Bremer Kufanyiwa Upasuaji wa Goti Leo

Taarifa kutoka nchini Italia zinadai kuwa nyota wa Juventus, Gleison Bremer atafanyiwa upasuaji wa goti mjini Lyon leo.

Mchezaji huyo wa kimataifa wa Brazil alipata jeraha mbaya  katika mchezo wa Ligi ya Mabingwa dhidi ya RB Leipzig wiki iliyopita.

Tuttosport na Gazzetta dello Sport, siku ya leo, zinaripoti kwamba beki huyo wa Brazil alikwenda Lyon kwa ziara ya kitaalam na amebaki katika jiji la Ufaransa ambako atafanyiwa upasuaji leo.

Juventus walisema wiki iliyopita kwamba Bremer alipata jeraha la anterior cruciate ligament katika goti la kushoto.

Ripoti nchini Italia zinadai kuwa Bremer atakaa nje ya uwanja kwa angalau miezi sita, kumaanisha kuwa msimu wake umekwisha.

Hata hivyo, Juventus huenda wakatoa taarifa zaidi kuhusu kupona kwa beki huyo baada ya kufanyiwa upasuaji wa goti leo.

Bremer, beki wa zamani wa Torino, alikuwa ameanza mechi nane kati ya nane katika mashindano yote msimu huu.

Mchezaji huyo mwenye umri wa miaka 26 ana mabao manane katika mechi 91 akiwa na wababe hao wa Serie A.