Chivu: Arsenal ni Miongoni Mwa Timu 2 Bora Barani Ulaya, Lakini Inter Bado Hawajashindwa.

Kocha wa Inter, Cristian Chivu, amesema kuwa Arsenal na Bayern Munich kwa sasa ni timu mbili bora barani Ulaya, lakini amesisitiza kuwa Nerazzurri “hawajapoteza tayari” dhidi ya The Gunners.

Inter watawakaribisha Arsenal katika uwanja wa San Siro kesho kwenye Raundi ya 7 ya Ligi ya Mabingwa Ulaya.

Nerazzurri walishinda mechi zao nne za mwanzo kwenye hatua ya makundi, lakini wakapoteza mbili zilizofuata, nyumbani dhidi ya Liverpool na ugenini dhidi ya Atletico Madrid.

Kesho, watakutana na Arsenal ambayo imeshinda mechi tano kati ya sita barani Ulaya msimu huu, ikifunga mabao 17 na kuruhusu bao moja pekee.

“Tunakutana na timu imara, moja ya bora barani Ulaya, si kwa sasa tu bali pia kwa miaka ya hivi karibuni,” Chivu aliambia Sky Sport Italia kabla ya mkutano wake na waandishi wa habari kabla ya mechi.”

“Wamewekeza fedha, wana uthabiti na utambulisho, na wana wachezaji wanaoweza kutuletea matatizo. Wametawala Ligi Kuu ya England katika miaka ya hivi karibuni, walikaribia kushinda taji, na sasa wanaongoza msimamo wa ligi na wana msimu muhimu sana. Tunafahamu changamoto zinazokuja na Ligi ya Mabingwa na timu za England,” Chivu aliendelea.

Beki wa zamani wa Manchester City, Manuel Akanji, ambaye alijiunga na Inter majira ya kiangazi yaliyopita, amedai kuwa Bayern Munich kwa sasa ni timu bora zaidi barani Ulaya.

Kama nilivyosema baada ya mechi dhidi ya Udinese, ninaamini Arsenal na Bayern Munich ndizo timu mbili bora barani Ulaya kwa sasa, lakini hilo halimaanishi kuwa tayari tumeshapoteza. Chivu alibainisha.

Inter wanaongoza msimamo wa Serie A wakiwa na pointi 49 baada ya mechi 21. Katika mechi zao tano za mwisho za ligi, wamekusanya ushindi mara nne na sare moja.