Kocha wa Atletico Madrid, Diego Simeone anaamini Antoine Griezmann anawanyamazisha wengi, wanaotilia shaka kwa uchezaji wake wa klabu na nchi ambao unathibitisha kuwa bado “ni wa ajabu”.
Griezmann alikuwa chanzo cha kufadhaika kwa mashabiki wa Barcelona katika kipindi chake cha miaka miwili Camp Nou, na pia aliwaacha wengi wakiwa na wasiwasi aliporejea Atletico mwaka 2021.
Alianza kuonekana mwenye mvuto zaidi katika kipindi cha kwanza cha msimu huu lakini chaguo la ununuzi la Euro milioni 40 lililozingatia idadi ya dakika alizocheza lilimaanisha kuwa mara chache alikuwa akianza hadi Barca walipopunguza bei yao na kukubali kuuzwa kwa kudumu kwa Atletico kwa Euro milioni 20 mwezi Oktoba.
Griezmann kisha alifurahia kampeni kubwa ya Kombe la Dunia akiwa na Ufaransa licha ya kuwa katika nafasi ya ndani zaidi, akicheza jukumu muhimu huku Les Bleus wakitinga fainali kabla ya kupoteza kwa mikwaju ya penalti kwa Argentina.
Tangu arejee kwenye klabu, amefikisha pasi tatu za mabao katika mechi mbili, ikiwa ni pamoja na pasi nzuri ya mara ya kwanza na kumtengenezea Marcos Llorente katika kipigo cha 2-0 cha Copa del Rey dhidi ya timu ya daraja la pili Real Oviedo hapo jana.
Simeone alikuwa akimuunga mkono Griezmann, na anaamini baadhi ya wakosoaji wake sasa wamenyamazishwa.
Simone amewaambia wa habari kuwa; “Lazima urudi nyuma na ukumbuke siku saba kabla ya Kombe la Dunia, jinsi alivyocheza katika mchezo wa kwanza katika Copa del Rey tuliokuwa nao. Alifanya hivyo kwa kujitolea sawa sawa”
Diego amesema Antoinne siku zote ametaka kuwa hapo, alipata tena mapenzi ya mashabiki huku ikiwa ni taswira nzuri kwa wachezaji wenzake, akitaka wafikie kiwango muhimu.
“Ni mchezaji wa ajabu licha ya ukweli kwamba wengi, wengi, walidhani vinginevyo. Kinachofuata kwa Atletico Jumapili kwenye LaLiga ni ziara ya timu ya zamani ya Griezmann, Barcelona.”
