Kylian Mbappé Ana Matumaini ya Kushinda Ballon d’Or Licha ya Msimu wa Bila Taji.

“Ninaamini naweza kushinda tuzo hiyo mwaka huu. Ni moja ya malengo yangu, tena ni lengo la muda mfupi. Watu wanasema sikushinda taji lolote la klabu au taifa, lakini hii ni tuzo binafsi. Sijawahi kuona mshindi wa Ballon d’Or akichaguliwa kwa kura za pamoja bila upinzani.” Alisema Mbappé

Mbappé alifunga mabao 15 katika Ligi ya Mabingwa na 25 katika La Liga, kabla ya kuongeza idadi yake ya mabao katika Kombe la Dunia hadi kufikia 22, na hivyo kuwa mfungaji bora wa muda wote katika historia ya mashindano hayo. Hata hivyo, safari ya Ufaransa katika Kombe la Dunia ilimalizika kwa kufungwa 2-0 na Hispania katika hatua ya nusu fainali.

Lakini pia Mbappe liongeza pia kwa kusema kuwa mtazamo wake kuhusu Ballon d’Or unatokana na enzi ya Messi na Ronaldo  humpi tuzo hiyo mchezaji wa kawaida, unampa mchezaji ambaye ni wa kiwango tofauti na anaamini alifanya mambo ya kipekee mwaka huu, hivyo anaamini anaweza kushinda.

Alipoulizwa kama anaamini angekuwa mshindi anayestahili, Mbappé alikuwa na msimamo usioyumba.

“Hakukuwa na mchezaji aliyekuwa bora kuniliko. Tulikuwa tukizungumzia mafanikio. Kufunga mabao mengi kiasi hicho katika mashindano makubwa, ambako wachezaji wote wakubwa wanashiriki, na bila shaka kwenye Kombe la Dunia, ambalo ni tukio kubwa zaidi, kisha kuwa mfungaji bora wa muda wote wa mashindano hayo  kipindi chote cha likizo yangu, hicho ndicho kitu ambacho watu walikuwa wakizungumza nami kuhusu,” Alisema.

Alisema kuwa ni vigumu kuelewa kikamilifu maana ya Kombe la Dunia. Haya ni mashindano ya wachezaji wakubwa, mastaa na wachezaji bora zaidi katika historia ya mchezo huu. Na akajiambia kuwa akiwa na umri wa miaka 27, tayari yeye ndiye mchezaji aliyefunga mabao mengi zaidi.

“Na jambo hilo linakuwa la kipekee zaidi kwa sababu nimevunja rekodi iliyokuwa ya Leo Messi, ambaye kwa watu wengi ni mchezaji bora zaidi katika historia pamoja na Cristiano (Ronaldo). Ni jambo la ajabu sana. Aina hiyo ya mafanikio ni ya kipekee.”

Mshambuliaji huyo pia alimsifu Zinedine Zidane, mshindi wa Kombe la Dunia mwaka 1998, baada ya kuteuliwa kuwa kocha mkuu mpya wa Ufaransa akichukua nafasi ya Didier Deschamps.

Kwa Wafaransa, ana maana kubwa sana  ni gwiji, ni Zizou wa taifa, anawakilisha umaridadi na ukuu. Aliweka alama kubwa katika historia ya timu ya taifa akiwa mchezaji na alikuwa na nyakati za kipekee sana. Mbappé alisema kwa kusisitiza.

“Huenda ndiye mchezaji anayewakilisha zaidi timu ya Ufaransa. Ni miongoni mwa wachezaji waliovuka vizazi. Ameacha alama isiyofutika katika historia ya soka la Ufaransa.”