Alexis Mac Allister amesema kuwa Lionel Messi ndiye sababu ya ushindi wa Argentina katika fainali ya Kombe la Dunia dhidi ya Ufaransa, huku akitoa maoni yake kwamba mshambuliaji huyo ndiye mchezaji bora zaidi wa muda wote.
Messi alifunga mabao mawili katika ushindi wa mabao sita kwa moja na kuwa mchezaji wa kwanza kufunga katika kila raundi ya michuano ya Kombe la Dunia, huku Argentina wakiibuka washindi kufuatia mikwaju ya penalti.
Mshambuliaji huyo wa Paris Saint-Germain alitangazwa kuwa mshindi wa Mpira wa Dhahabu baada ya filimbi ya mwisho, huku kuonekana kwake kulimpa heshima ya kushiriki katika mechi nyingi zaidi za Kombe la Dunia katika historia (26).
Baada ya kuongeza Kombe la Dunia katika kunyakua taji lake, Mac Allister anaamini kuwa mjadala kuhusu nani mkuu wa wakati wote umekwisha.
Mac Allister amesema kuwa; “Siku zote ni Messi, nadhani ni mchezaji bora zaidi Duniani, mchezaji bora wa muda wote. Anashangaza, ni mtu mzuri sana, ni mnyenyekevu, ana kila kitu kuwa mchezaji bora katika historia. Inashangaza kushiriki naye chumba cha kubadilishia nguo na ninashukuru sana.”
Mac Allister pia alitoa sifa kwa mlinda mlango Emiliano Martinez, ambaye aliokoa vyema katika muda wa ziada na kumnyima Randal Kolo Muani kabla ya kumzuia Kingsley Coman kwenye mkwaju wa penalti.
Haikuwa mara ya kwanza kwa mlinda mlango wa Aston Villa kuibuka shujaa, kwa kuokoa mara mbili katika mchujo wa robo fainali dhidi ya Uholanzi, na mchezaji huyo alimtaja mtani wake kuwa ni wa ajabu.
Emiliano alifanya vizuri sana, ni kipa wa ajabu, anawasaidia sana wakati wa mashindano haya. A mefurahishwa sana naye na amefurahishwa sana kwa nchi hiyo na kwa timu hiyo.
