"Itakuwa Heshima Kuwa na Salah Bayern"

Mkurugenzi mkuu wa Bayern Munich Karl-Heinz Rummenigge amebainisha kuwa itakuwa “heshima” kumsajili mshambuliaji wa Liverpool Mohamed Salah lakini anasema kuwa hawana mpango wowote wa kumleta Ujerumani.

Salah, ambaye alijiunga na Liverpool kutoka Roma ya Italia mnamo 2017, amekuwa bora zaidi chini ya Jurgen Klopp na kuwa mmoja wa washambuliaji bora ulimwenguni, licha ya kushindwa kufanikiwa Chelsea mapema mwanzoni mwa soka lake.

Uchezaji wa Mmisri huyo umevivutia vilabu vingi vikubwa barani Ulaya huku Rummenigge akimtazama nyota huyu mwenye umri wa miaka 28, akimlinganisha na wachezaji kama Lionel Messi na Cristiano Ronaldo, hata hivyo hatarajii Salah kuwasili katika kilabu cha Bundesliga wakati wowote hivi karibuni.

“Kwa maoni yangu, Salah ndiye Messi wa Afrika na kwa kweli ana ujuzi wa kucheza kwa timu bora ulimwenguni,” Rummenigge alizungumza na ON Time Sports.

“Alichofanikiwa kinaweza kulinganishwa na kile ambacho Messi na Ronaldo walifanya na Barcelona na Real Madrid.

“Kwa sasa hatuna mpango wa kumsaini Salah, lakini kwa kweli itakuwa heshima kuwa naye.”

Nyota huyo kwa sasa ndiye mfungaji bora wa Ligi Kuu, akicheka na nyavu mara 16 katika mechi zake 22 hadi sasa kwenye kampeni ya msimu huu.

TENGENEZA MKWANJA UKIWA NA MERIDIANBET 

Unaweza kuvuna mkwanja mrefu kadiri uwezavyo kupitia mchezo wa Gold n Rocks kwenye  kasino ya mtandaoni ya Meridianbet. Ni rahisi! Vigezo na masharti, kuzingatiwa.

SOMA ZAIDI