Mpira wa miguu Italia uko kwenye kipindi cha kusisimua lakini pia cha sintofahamu. Baada ya kuunda uongozi mpya wa Shirikisho la Soka Italia chini ya rais Giovanni Malagò, mkurugenzi wa kiufundi Paolo Maldini na mshauri Leonardo, hatua inayofuata ni kupata kocha atakayeongoza kizazi kipya cha Azzurri.
Kwa mujibu wa L’Equipe, ndoto kubwa ya Maldini na Malagò ni kumpata Pep Guardiola. Walienda Barcelona wiki iliyopita kukutana naye, wakiamini anaweza kuleta mabadiliko makubwa. Hata hivyo, suala la mshahara na maisha binafsi linaweza kuwa kikwazo, kwani Guardiola alikuwa akilipwa €23 milioni kwa mwaka akiwa Manchester City.
Carlo Ancelotti tayari amekataa ofa hiyo kwa sababu ya mkataba wake na Brazil, na hivyo majina mengine yakaanza kuzungumziwa. Maldini anamthamini sana Andrea Pirlo, akiamini anaweza kuwakilisha mabadiliko yanayohitajika, ingawa ndani ya shirikisho bado kuna mashaka kutokana na mwanzo wake wa ukocha usio wa kuvutia.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kwa upande mwingine, Malagò ana ukaribu na Roberto Mancini, ingawa baadhi ya maafisa hawakupendezwa na jinsi alivyotoka Italia mwaka 2023 kwenda Saudi Arabia. Klabu nyingi zinapigia debe jina la Antonio Conte, lakini Maldini hana shauku kubwa kwake.
Kwa sasa, hali ya kutafuta kocha mpya wa Italia bado iko wazi. Ni mchakato uliojaa matumaini, mvutano na maamuzi magumu. Swali kuu ni nani atakayepewa jukumu la kuandika sura mpya ya Italia ijayo.
