Barcelona wamekamilisha makubaliano ya kumsajili Gabriel Jesus kutoka Arsenal kwa ada ya awali ya €10 milioni. Mshambuliaji huyo wa Brazil mwenye miaka 29 amesafiri kwenda Catalonia na anatarajiwa kusaini mkataba wa miaka miwili.
Jesus alikuwepo Camp Nou kushuhudia Barcelona ikiichapa Rayo Vallecano 5-2, ushindi uliowapa Blaugrana mwanzo kamili wa msimu kwa kushinda michezo yote mitatu ya kwanza ya La Liga.
Kocha Hansi Flick amekiri kushangazwa na nafasi ya kumpata Jesus kwa bei hiyo, akisema mshambuliaji huyo anaendana vizuri na mfumo wa Barcelona. “Ninapenda sana namna anavyocheza soka. Anaweza kutusaidia sana kwenye michezo,” alisema Flick.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Usajili wa Jesus unaendeleza dirisha lenye shughuli nyingi kwa Barcelona, huku mkurugenzi wa michezo Deco akiwa tayari ameleta mastaa kadhaa wapya kwenye kikosi. Flick amemsifu Deco kwa kazi kubwa aliyofanya kuhakikisha dili hilo linafanikiwa.
Barcelona walikuwa wamemlenga pia Julian Alvarez ili kuongeza nguvu kwenye safu ya ushambuliaji, lakini Atletico Madrid walikataa kabisa kufanya mazungumzo na wapinzani wao wa La Liga.
Kwa sasa, Barcelona wanaonekana kutokuwa na mpango mkubwa wa kufanya usajili mwingine kabla ya dirisha kufungwa hii leo. Jesus sasa anaanza rasmi safari yake mpya Camp Nou, huku mchezo unaofuata wa Barca ukiwa dhidi ya Valencia ugenini Mestalla.
