Kahn: Kiwango cha Gnabry, Flick Anahusika.

Gwiji wa Bayern Munich – Oliver Kahn amesifu kiwango cha Serge Gnabry baada ya kung’ara kwenye Mashindando ya Ligi ya Mabingwa – UEFA msimu huu.

Gnabry ambaye mpaka sasa anajumla ya magoli 9, amekuwa kwenye kiwango thabiti msimu huu akicheza katika nafasi ya winga. Katika mchezo wa nusu fainali dhidi ya Lyon, Gnabry alifunga magoli mawili kati ya matatu yaliwapeleka Bayern hatua ya fainali na sasa, Bayern Munich atamenyana na PSG.

Akizungumza na waandishi wa habari, Kahn amesema ” magoli yake ni ya kiwango cha dunia. Ni mchezaji aliyeongezeka kiwango kwa miezi kadhaa iliyopita. Grafu yake inapanda kila mwaka. Yupo mbali kufikia kiwango cha dunia lakini ni mchezaji mzuri, anamchezo mzuri.

“Lakini pia kocha anahusika, mawasiliano ya kocha. Hiyo ni sifa mojawapo ya Hansi [Flick]. Anaweza kushughulika na wachezaji wa aina mbalimbali, mara zote ana maneno sahihi ya kuzungumza. Hiyo inatuletea mafaniko kwa sasa.

Kahn awapongeza pia wachezaji wenye uzoefu.

“Nimelinganisha vitu vingi sana kwa uzoefu wangu. Kwa namna ambavyo hawa wachezaji wanawaza magoli, ni jambo la kuvutia. Wanataka kushinda Ligi ya Mabingwa,watafanya lolote kwa ajili hiyo lakini unatakiwa kuwa na muongozo.

“Tunae Manuel Neuer kama nahodha anayeweza kuwaongoza wachezaji wengine. Thomas Muller pia amekuwa mfano wa kuigwa na wengine, anazungumza sana. Joshua Kimmich anamorali sana, anafanya kila kitu kwaajili ya maendeleo.

“Kitu cha kipekee ni kwamba, wengi wao wameshashinda kila kitu lakini bado hawachoki.”

Bayern Munich hawajapoteza mchezo wowote 2020 wakiwa tayari wamecheza michezo 20. Ushindi dhidi ya PSG utakamilisha jumla ya mataji 3 kwa Bayern Munich msimu huu.

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma zaidi Ucheze