Kiungo wa zamani wa Liverpool Naby Keita amerejea Ujerumani kujiunga na Werder Bremen baada ya kumalizika kwa mkataba wake Anfield.
Uhamisho wa mchezaji huyo wa kimataifa wa Guinea kwa pauni milioni 52 kwenda Merseyside kutoka RB Leipzig mwaka 2018 ulikuja na matarajio makubwa. Hata hivyo, alikatishwa tamaa katika mechi zake 129 katika kipindi cha miaka mitano huku akijitahidi kukabiliana na hali ya Ligi Kuu ya Uingereza na kukosa muda mwingi kutokana na majeraha kadhaa.
Mchezaji huyo mwenye umri wa miaka 28 alicheza mara 13 pekee msimu uliopita, aliachwa nje ya kikosi cha Ligi ya Mabingwa kutokana na jeraha, na alianza mechi tatu pekee za Ligi Kuu.
Bremen watatumaini kurejea kwa kiungo huyo kwenye Bundesliga kutaleta mabadiliko ya bahati baada ya kufunga mabao 14 na kutoa pasi 14 za mabao katika mechi 58 za Leipzig kabla ya kuhamia Liverpool.
Mkuu wa Skauti wa Bremen Clemens Fritz amesema; “Vilabu kadhaa bila shaka vitavutiwa wakati mchezaji kama Naby Keita anapatikana kwa uhamisho wa bure. Kwa hivyo tunafurahi sana kwamba Naby ameamua kujiunga na Werder, licha ya ofa zingine kadhaa. Sifa zake zitaimarisha sana timu yetu.”
Sasa tunataka kumrudisha katika ubora wake. Taarifa hiyo ilimalizika hivyo.
