Lamine Yamal anasisitiza kwamba ushindi wa Inter wa mabao 4-3 dhidi ya Barcelona katika nusu fainali ya Champions League ulitokana na bahati. “Kama tungecheza mchezo ule tena, sidhani kama tungewaruhusu kusawazisha, hata kidogo.”
Mchuano huo wa kusisimua uliofanyika San Siro ulikuja baada ya mchezo wa kwanza wa nusu fainali kumalizika kwa sare ya 3-3, huku Barcelona wakirejea kutoka nyuma kwa mabao 2-0 na kuongoza 3-2 hadi dakika ya 87.
Hata hivyo, Francesco Acerbi alifunga bao dakika ya 93 na kulazimisha mchezo kuingia muda wa ziada, ambapo Davide Frattesi alifunga bao lililoipa Nerazzurri ushindi.
“Mwishoni mwa siku, kama tungecheza tena mchezo ule dhidi ya Inter kwa hali tuliyonayo sasa, sidhani kama tungewapa nafasi ya kusawazisha, hata kidogo,”Yamal alisisitiza katika mahojiano yake na L’Equipe.
“Sisi ni timu changa, kuna maamuzi ambayo yanafanyika ndani ya sekunde chache, na ukiwa na umri wa miaka 20 unayashughulikia kwa namna tofauti ukilinganisha na unapokuwa na miaka 30. Hili ni kweli kwangu na kwa wachezaji wenzangu. Yote yanategemea mambo madogo madogo, bahati kwa kiasi fulani, pamoja na uzoefu mkubwa. Tunafanya kazi kila siku ili kuboresha vipengele vyote hivyo.”
