Ligi ya Mpira Kikapu Marekani NBA Kurejea Tena Julai 30

Baada ya janga la Corona kusimamisha msimu wa NBA, sasa ni rasmi Ligi hiyo ya kikapu Marekani inarejea tena Julai 30. Michezo yote iliyobakia kwa msimu huu itakuwa tofauti na misimu mingine yote iliyopita kwani itachezwa katika kituo kimoja huko Frolida na bado hakutakuwa na mashabiki ili kuepesha maambukizi mapya ya Corona.

Timu 22 bora kati ya 30 zimewasili mjini Frolida kuanzia Julai 7,8 na 9 na zitacheza michezo nane ya kukamilisha msimu wa kawaida ili kupata idadi kamili ya timu zitakazocheza hatua inayofata ya play off.

Play Off itaanza lini?
Michezo ya Playoff itaanza rasmi Agosti 17, huku Michezo 7 ya Fainali ya NBA inatarajiwa kufanyika OKTOBA 13 kumpata Bingwa.

Je! Ni timu gani zitapatikana?
Timu 22 zitawasili Orlando, ikiwa ni pamoja na timu 16 ambazo kwa sasa tayari zimefuzu kucheza play off na timu sita ambazo zimebaki na michezo sita au pungufu kutoka kwenye kila ukanda.

Eastern Conference:
Milwaukee Bucks
Toronto Raptors
Boston Celtics
Miami Heat
Indiana Pacers
Philadelphia 76ers
Brooklyn Nets
Orlando Magic
Washington Wizards

Western Conference:
Los Angeles Lakers
Los Angeles Clippers
Denver Nuggets
Utah Jazz
Oklahoma City Thunder
Houston Rockets
Dallas Mavericks
Memphis Grizzlies
Portland Trail Blazers
New Orleans Pelicans
Sacramento Kings
San Antonio Spurs
Phoenix Suns

Timu zingine nane zilizobaki zote safari yao msimu huu imekwisha, zinaweza kuanza kujiandaa kwa msimu ujao wa NBA. Kila la kheri kwa mwaka ujao, mashabiki wa Golden State Warriors