Liverpool wanaweza kuwa wamekosa fursa ya kumpata Christoph Freund, baada ya mkurugenzi huyo wa michezo wa Bayern Munich kusaini mkataba mpya utakaoendelea kumuweka Allianz Arena hadi Juni 2029.
The Reds bado hawajaweka wazi kama walikuwa na nia ya kumtaka Freund, lakini taarifa za hivi karibuni zimeibua hisia kwamba jina lake lilikuwa miongoni mwa chaguo zilizoweza kuangaliwa na Liverpool katika mpango wao wa kuimarisha uongozi wa idara ya usajili.
Kwa mujibu wa Christian Falk, kupitia CF Bayern Insider Podcast, Freund aliwahi kuonekana kusita kusaini mkataba mpya na Bayern wiki kadhaa zilizopita. Hali hiyo ilizua maswali kuhusu mustakabali wake na uwezekano wa kuangalia changamoto mpya nje ya Ujerumani.
Hata hivyo, Freund ameamua kuendelea na Bayern hadi 2029. Uamuzi huo unaweza kuwa pigo kwa Liverpool, ambao wanahitaji mkurugenzi wa michezo mwenye uwezo wa kuendeleza kazi ya kujenga kikosi na kuimarisha mfumo wao wa usajili.
Freund, mwenye miaka 49, tayari amewahi kuvivutia vilabu kutoka Premier League. Chelsea waliwahi kumtaka katika kipindi cha nyuma, lakini hakukubali kuondoka Bayern kutokana na sababu zinazohusisha maisha yake ya kifamilia.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Falk amesema Freund anaishi Salzburg pamoja na familia yake na umbali wa kwenda Munich si mkubwa, jambo linalomfanya ajisikie vizuri akiwa Bayern. Hivyo, kuhamia England kungekuwa mabadiliko makubwa kwake, si suala la mshahara pekee.
Kwa sasa, Freund pia anaendelea kufanya kazi kwa karibu na Max Eberl, huku mchango wake kwenye kambi ya Bayern ukiendelea kuonekana kama sehemu muhimu ya mipango ya klabu. Bayern wamefanikiwa kuunganisha kazi ya uongozi na maendeleo ya vipaji, jambo ambalo limeongeza nguvu kwenye kikosi cha kwanza.
Liverpool bado wana chaguo ndani ya mfumo wao, akiwemo Julian Ward na huenda Pedro Marques, ambaye aliletwa na FSG. Hivyo, The Reds wanaweza kuangalia ndani kabla ya kwenda sokoni kutafuta jina jingine kubwa.
