Kocha wa Wolves Julen Lopetegui anataka ufafanuzi kuhusu mipango ya uhamisho wa klabu hiyo msimu huu wa joto huku kukiwa na mashaka juu ya mustakabali wake katika klabu hiyo baada ya mwisho wa msimu.
Mhispania huyo alirithi mikoba ya Bruno Lage wakati Wolves walipokuwa mkiani mwa msimamo la Ligi kuu ya Uingereza mnamo Novemba na amesimamia mabadiliko ya ajabu kwa kuwa wako salama na mechi moja ya kampeni kumalizika.
Lopetegui anasisitiza kuwa hataki kuvunja benki anapojaribu kuimarisha msimamo wa Wolves muhula ujao, lakini kuna masuala ya Financial Fair Play ya kuzingatia katika miezi michache ijayo.
“Nilipokuja hapa, nilikuja kufurahia sana kujitolea, katika hali ngumu sana kwa klabu. Sote tunaweka kila kitu katika miezi hii, tukifikiria kila wakati, ikiwa tunaweza kuokoa timu, tutaweza kuota mambo tofauti. Lakini jambo moja ni ndoto, lingine ni ukweli.”
Lazima nisawazishe hali halisi ilivyo kwetu. Siombi saini za ajabu. Ninafikiria kusajili wachezaji wazuri, wachezaji wachanga, labda wachezaji wa Ubingwa, sijui. Sifikirii kuwa tutasajili kutoka Real Madrid au Barcelona, ​​hapana. Ninafahamu ukweli wetu. Alisema kocha huyo
Ingawa kuna hali ya sintofahamu kuhusu Lopetegui, kocha huyo wa zamani wa Uhispania na Real Madrid, ambaye amebakiza miaka miwili kukamilisha mkataba wake, anasema bado ana mpango wa kuwa Wolves msimu ujao.
Lopetegui anasema kuwa ana mkataba na Wolves na yeye ni kocha wa mwaka ujao lakini ataona kitakachotokea kwasababu hili ni soka. Ana jukumu hapo na anataka kuwajibika na kujua picha ya mwisho na atachukua maoni yake kwa mwenyekiti.
