Manchester United Bundi Aanza Kulia Mapema

Bundi aanza kulia ndani ya Manchester United ndio kauli ambayo unaweza kuitumia kwani klabu hiyo mpaka sasa wachezaji wake wanne wameshapata majeraha kuelekea msimu mpya.

Msimu uliomalizika Manchester United ilikua moja ya timu ambazo zilikua zinaongoza kwa wachezaji wake kupata majeraha na yalianza wakati wa kujiandaa na msimu mpya, Hali hiyo imejirudia tena mwaka huu kwnai mpaka sasa wachezaji kama Leny Yoro, Marcus Rashford, Rasmu Hojlund pamoja na Antony Santos wamesharipotiwa kupata majeraha.Wachezaji wawili ambao ni Rasmu Hojlund na Leny Yoro walipata majeraha katika mchezo wa kirafiki wa kujiandaa na msimu mpya dhidi ya klabu ya Arsenal, Huku ikielezwa watakua nje kwa kipindi cha muda kidogo ambapo Leny Yoro atakua nje kwa miezi mitatu, Hojlund yeye atakaa nje ya uwanja kwa muda wa wiki sita.

Marcus Rashford pamoja na Antony Santos ambao wamepata majeraha katika mchezo wa kirafiki pia kati ya Man United dhidi ya Real Betis asubuhi ya leo, Lakini taarifa za kua wachezaji hao watakaa nje kwa muda gani ndio bado hazjiwekwa wazi na timu ya madaktari ya klabu hiyo.Klabu ya Manchester United kutokana na hiki ambacho kinaendelea kwasasa inaweza kuwapa nguvu ya kukamilisha sajili ambazo walikua wanataka kuzifanya mwanzoni lakini wakaonekana kama wamepunguza kasi, Kwasasa wanaelezwa wanataka kumaliza mapema dili la beki Mathijjs De Ligt  kutokana na majeraha aliyoyapata Leny Yoro.