Manchester United Wako Tayari Kumpa Robert Lewandowski Mkataba wa Mwaka 1.

Robert Lewandowski atakuwa na chaguo la mkataba wa mwaka mmoja katika FC Barcelona pamoja na Manchester United.

Manchester United wanajiandaa kumpa mshambuliaji huyo wa Barcelona mwenye umri wa miaka 37 mkataba wa mwaka mmoja, kwa mujibu wa SportsBoom.

United wamekosa mshambuliaji wa kiwango cha juu tangu kuondoka kwa Cristiano Ronaldo katika kipindi chake cha pili Old Trafford mwaka 2022, baada ya enzi za Zlatan Ibrahimović na Wayne Rooney.

Lewandowski amekuwa mmoja wa washambuliaji bora duniani kwa muda mrefu, akiwa amefunga zaidi ya mabao 600 katika ngazi ya klabu, yakiwemo 117 akiwa Barcelona, ambako alijiunga akiwa tayari kwenye miaka yake ya 30.

Mkataba wa mshambuliaji huyo wa Poland na Barcelona unamalizika majira ya joto, na inaripotiwa kuwa anapanga kuchunguza chaguo zake. Moja ya chaguo hizo ni Manchester United, ambao wako wazi kumleta na wako tayari kumpa mkataba wa mwaka mmoja.

Ripoti hiyo inaeleza kuwa Mashetani Wekundu wanataka Lewandowski awe mlezi kwa wachezaji vijana kama Matheus Cunha na Benjamin Šeško, ambao wameonyesha dalili nzuri msimu huu, lakini bado hawajafikisha mabao 10 katika EPL.

Hata hivyo, haitakuwa rahisi kwa United kumpata Lewandowski, kwani ana chaguo nyingi mbele yake.

Barcelona wanataka kumbakisha Lewandowski na wanapanga kumpa nyongeza ya mwaka mmoja kwenye mkataba wake wa sasa. Hata hivyo, wanataka kumpa mkataba mpya wenye kupunguza mshahara ili kusaidia hali yao ya kifedha, huku wakiongeza bonasi kulingana na kiwango chake cha uchezaji akifanya vizuri atalipwa zaidi, asipofanya vizuri hawatapoteza fedha nyingi.

Aidha, Lewandowski ana chaguo nyingine, huku ikiaminika kuwa anapendelea mkataba wa zaidi ya mwaka mmoja licha ya kukaribia miaka 40. Vilabu kadhaa vya Major League Soccer, ikiwemo Inter Miami, vina nia ya kumsajili, ambapo anaweza kucheza pamoja na nyota wakubwa kama Lionel Messi na Luis Suárez.

Pia, kuna mvuto wa kuhamia EPL, ligi ambayo hajawahi kucheza, hivyo Manchester United wanaweza kuwa na nafasi ya kumsajili mshambuliaji huyo wa Barcelona.