Mbappe na Huruma kwa Ben Yedder

Mshindi wa kiatu cha Dhahabu cha Ligue 1, Kylian Mbappe anaamini wanatakiwa kugawana tuzo hiyo na Wissam Ben Yedder baada kufungana kwa magoli 18 wote.

Mbappe alitangazwa kuwa mfungaji bora wa Alhamisi baada ya msimu kumalizika kwasababu ya Corona.

Straika PSG amemaliza akiwa na magoli sawa na mshambuliaji wa Monaco, Ben Yedder, lakini ametwa tuzo hiyo kwasababu alifunga magoli mengi kwa jitihada binafsi.

Magoli matatu ya Ben Yedder yalikuwa penati lakini Mbappe anaamini mchezaji mwenzake wa Ufaransa, anastahili kutambuliwa.

“Asante kwa meseji zenu. Nafikiri Wissam pia anastahili tuzo kama Premier League walivyofanya msimu uliopita katika utoaji wa tuzo,” Mbappe amesema kwenye kurasa wake wa Twitter akamalizia kwa kusema ‘Taji kwa Wissam’.

Ben Yedder akasema: “Asante kaka, hongera kwako… Tutafanya namna kama utataka.”

Kumbukumbu ya Mbappe kwe Premier League inahusu tuzo ya kiatu cha Dhahabu 2018-19 ambacho kiligawanywa sawa kwa nyota wa Arsenal, Pierre-Emerick Aubameyang na Liverpool, Sadio Mane na Mohamed Salah, wote walikuwa na magoli 22.

Kwa Mbappe, hii ni mara ya pili mfululizo nyota huyo kutwaa mfungaji bora wa Ligue 1. Ligi ilimalizika rasmi wiki iliyopita, na PSG kutangazwa mabingwa, wakati Toulouse na Amiens wameshuka daraja.