Roma Wamekamilisha Usajili wa Robinio Vaz.

Roma wamethibitisha rasmi kumsajili mshambuliaji kijana mwenye kipaji kikubwa Robinio Vaz kwa uhamisho wa kudumu kutoka Marseille.

Taarifa ya klabu ya Ufaransa imethibitisha maelezo ya kifedha ya dili hilo, yenye thamani ya €25 milioni ikijumuisha bonasi, pamoja na asilimia 10 ya ada ya mauzo ya baadaye.

Katika taarifa iliyotolewa na klabu, Roma walitangaza kuwa mshambuliaji huyo mwenye umri wa miaka 18 amesaini mkataba wa miaka minne utakaomalizika Juni 2030. Vaz anawasili katika mji mkuu baada ya kujitokeza kama mmoja wa vipaji vinavyoongoza katika safu ya ushambuliaji kwa rika lake nchini Ufaransa.

Alifanya debut yake ya timu ya wakubwa chini ya kocha Roberto De Zerbi Januari mwaka jana, akicheza katika mechi ya Coupe de France dhidi ya Lille.

Vaz baadaye alicheza kwa mara ya kwanza Ligue 1 msimu huo na pia amepata uzoefu katika kampeni ya UEFA Champions League msimu huu.

Kwa jumla, amechukua sehemu katika mechi 22 za timu ya wakubwa kwa Marseille katika mashindano yote, akifunga mabao manne na kuendelea kujijengea sifa kama mmoja wa vipaji bora vya chini ya miaka 20 nchini Ufaransa.

Roma wanautazama uhamisho huu kama uwekezaji wa muda mrefu, huku Vaz akitarajiwa kuendelea kukuza kiwango chake nchini Italia kama sehemu ya mkakati mpana wa klabu unaolenga kuendeleza vipaji vya vijana.

Mshambuliaji huyo amechagua kuvaa jezi namba 78 kwa Giallorossi.

Klabu hiyo walihitimisha tangazo lao kwa kumpa mapokezi ya joto mchezaji wao mpya: “Karibu Roma, Robinio.”