Sancho Kupigwa Bei United

Klabu ya Manchester United imesimamia msimamo wake ambao ni kumuuza Jadon Sancho winga wa kimataifa wa Uingereza ambaye alikua anakipiga klabu ya Borussia Dortmund kwa mkopo.

Manchester United inahitaji kiasi cha paundi milioni 40 tu ili kumuachia Sancho kwa klabu yeyote ambayo itakua inamuhitaji winga huyo ambaye ameonekana kutokua na wakati mzuri ndani ya viunga vya Old Trafford.Winga huyo ambaye alijiunga na klabu ya Manchester United mwaka 2021 kwa uhamisho paundi milioni 73 lakini klabu hiyo kwasasa imekubali kupata hasara ya pundi milioni 33, Kwani iko tayari kumuuza winga huyo dau la paundi milioni 40.

Klabu ya Manchester United lengo lake kubwa msimu huu ni kuhakikisha wanafanya usajili mzuri sokoni lakini wakati huohuo wanahkikisha wanauza wachezaji waliopo nao kikosini ili kupata hela ya kutosha usajili, Hivo winga huyo wa kimataifa wa Uingereza ni wazi anauzwa ili kusaidia kiwango cha pesa kwa klabu hiyo kuingia nayo sokoni.Winga Jadon Sancho atauzwa ndani ya Man United bila kujalisha kocha ambaye ataiongoza klabu hiyo kuelekea msimu ujao, Kama watafanikiwa kumuuza winga huyo wamepanga kumsajili winga wa Crystal Palace Michael Olise akiwa ndio yupo kwenye orodha ya juu kabisa ya wachezaji wanatakiwa klabuni hapo.