Gauff, mwanatenisi wa Marekani na bingwa wa French Open, alijikuta akilia kwa uchungu baada ya kutolewa katika raundi ya kwanza ya michuano ya Wimbledon siku ya Jumanne. Gauff, ambaye aliingia katika mashindano hayo kama mshindi wa pili kwa ubora, alishindwa kwa seti 7-6(3), 6-1 na mchezaji kutoka Ukraine, Dayana Yastremska, aliye kwenye nafasi ya 42 duniani.
Coco Gauff, 21, alionekana kutopata utulivu mchezoni kwenye uwanja wa Court One, huku akikiri kuwa hakufanikiwa kabisa kuzoea mabadiliko kutoka kwenye uwanja wa mfinyanzi wa Paris kwenda kwenye nyasi za Wimbledon.
“Najisikia kama labda ningehitaji mechi zaidi kwenye uwanja huu. Ni kama kutatua fumbo,” alisema. “Ni mabadiliko ya haraka, kwa hiyo ninajaribu kujifunza kama ni bora kufanya mazoezi zaidi au kushiriki michuano kama Bad Homburg au Eastbourne.”
Gauff alikuwa tayari ametolewa mapema katika mashindano ya Berlin na hakuwa na maandalizi ya kutosha kwenye viwanja vya nyasi kabla ya Wimbledon. Ushindi wake wa hivi karibuni mjini Paris ulikuwa ni taji lake la pili la Grand Slam, baada ya kushinda US Open mwaka uliopita.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Lakini baada ya ushindi huo mkubwa, alikiri kuwa hakuwa na muda wa kutosha kusherehekea wala kujiandaa upya kwa mabadiliko ya mashindano.
“Kihisia nilikuwa nimelemewa na kila kitu kilichofuatia ushindi huo. Sikuweza kupata muda wa kurudi kwenye hali yangu ya kawaida,” alisema huku akifuta machozi.
Katika mechi hiyo dhidi ya Yastremska, Gauff aliteleza mara kadhaa kwenye nyasi, huku mpinzani wake akionekana kuwa thabiti na mwenye mpangilio mzuri wa mashambulizi. Yastremska alikuwa amejiandaa vyema kwa mashindano hayo kwa kufika fainali za Nottingham na robo fainali za Eastbourne.
“Dayana alicheza vyema. Katika baadhi ya pointi sikuhisi kama nilikuwa mbaya sana, lakini yeye alikuwa anapiga ‘winners’ kila mara,” alikiri Gauff.
Pamoja na maumivu, Gauff bado ana matumaini ya baadaye bora katika Wimbledon:
“Nina imani kuwa nikifanya marekebisho, nitafanya vizuri hapa. Sitaki kabisa kujivua matumaini kwenye viwanja vya nyasi, hasa nikiwa bado katika mwanzo wa kazi yangu. Lakini nahitaji kufanya mabadiliko ikiwa nataka kufaulu hapa.”
Gauff amethibitisha kuwa ana nguvu na nia ya kujifunza kutokana na kushindwa. Japokuwa aliondolewa mapema kama ilivyokuwa kwa Jessica Pegula, mchezaji mwingine wa Marekani.
