Nick Kyrgios amelazimika kujiondoa kwenye Halle Open kutokana na jeraha dogo la goti, hatua inayomrudisha nyuma katika mpango wake wa kurejea kikamilifu kwenye ATP Tour. Nyota huyo wa Australia alikuwa amejiandaa kuendeleza comeback yake kwenye michuano ya ATP 500, lakini tatizo hilo la mazoezi limemlazimisha kusitisha kwa muda.
Kyrgios alikuwa ameanza kuonyesha dalili za kurudi kwenye kiwango chake baada ya kushinda mechi dhidi ya Corentin Moutet kwenye Stuttgart Open, mchezo wake wa kwanza wa singles tangu Australian Open. Hata hivyo, alikumbana na changamoto baada ya kupoteza dhidi ya Sho Shimabukuro, kabla ya sasa jeraha hilo jipya kumzuia kushiriki Halle.
Kupitia ujumbe wake kwenye mitandao ya kijamii, Kyrgios alieleza kuwa aliumia kidogo goti akiwa mazoezini pamoja na mchezaji mwenzake wa doubles. Alisisitiza kuwa hali si mbaya na kwamba bado ana mpango wa kurejea Mallorca kabla ya kuingia Wimbledon, akionyesha matumaini ya kuendelea na msimu wake wa grass court.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Licha ya kuondoka kwenye singles na doubles ya Halle, Kyrgios bado anatarajiwa kuwa moja ya majina makubwa Wimbledon. Amepewa wildcard ya kucheza doubles akiwa na Alexander Bublik, muunganiko unaotarajiwa kuvutia mashabiki kutokana na mtindo wao wa uchezaji wa burudani, ubunifu na wakati mwingine vituko uwanjani.
Kyrgios tayari ana historia kubwa Wimbledon baada ya kufika fainali ya mwaka 2022 dhidi ya Novak Djokovic. Sasa, mashabiki wanatarajia kuona kama ataweza kurejea tena kwenye kiwango hicho, lakini yote yatategemea afya yake, ambayo bado ndiyo changamoto kubwa zaidi katika safari yake ya kurejea tennis ya ushindani.
