Miaka minne iliyopita, Alexander Zverev aliondolewa katika Uwanja wa Philippe-Chatrier akiwa kwenye kiti cha magurudumu baada ya kuumia vibaya kwenye nusu fainali ya French Open dhidi ya Rafael Nadal. Wakati huo ndoto yake ya kutwaa Grand Slam ilionekana kufifia baada ya kupasuka mishipa kadhaa ya kifundo cha mguu na kulazimika kufanyiwa upasuaji. Lakini safari yake ya maumivu na uvumilivu imefikia mwisho wenye furaha baada ya kutwaa taji lake la kwanza la Grand Slam kwenye Roland Garros ya mwaka huu.
Mjerumani huyo mwenye miaka 29 alimshinda Muitalia Flavio Cobolli katika fainali ngumu ya seti tano na kuandika historia aliyokuwa akiisubiri kwa muda mrefu. Baada ya ushindi huo, Zverev alikiri kuwa uwanja huo una maana kubwa kwake kwa sababu umeshuhudia nyakati zake za furaha na huzuni. Kutoka kuanguka akiwa amejeruhiwa vibaya hadi kunyanyua kombe la ubingwa, simulizi yake imekuwa moja ya hadithi za kuvutia zaidi katika tenisi.
Kwa miaka mingi, Zverev alikuwa akitajwa kama mchezaji bora zaidi wa kizazi chake ambaye hajawahi kushinda Grand Slam. Alipoteza fainali ya US Open 2020 licha ya kuongoza kwa seti mbili, akashindwa tena kwenye French Open 2024 dhidi ya Carlos Alcaraz, na mwaka 2025 akapigwa na Jannik Sinner katika fainali ya Australian Open. Kila mara alionekana kuwa karibu na mafanikio makubwa, lakini bahati ilikuwa ikimkwepa.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Katika fainali ya mwaka huu, presha ilionekana kurejea baada ya Cobolli kupambana kwa nguvu na kulazimisha mchezo kuingia seti ya mwisho ya maamuzi. Hata hivyo, safari hii Zverev alionyesha utulivu mkubwa na kuzuia historia ya kushindwa kujirudia. Alipoanguka chini kwa furaha baada ya pointi ya mwisho, alikumbuka safari ndefu aliyopitia pamoja na baba yake, kaka yake na timu yake yote iliyomsimamia katika nyakati ngumu.
Njia ya Zverev kuelekea ubingwa ilifunguliwa baada ya mastaa kadhaa wakubwa kuondolewa mapema au kukosa mashindano, lakini hilo halipunguzi thamani ya mafanikio yake. Baada ya miaka ya majeraha, maumivu na kukatishwa tamaa, hatimaye amejiunga rasmi na orodha ya mabingwa wa Grand Slam. Hata Rafael Nadal, ambaye alimsaidia kutoka uwanjani wakati wa jeraha lake mwaka 2022, alikuwa miongoni mwa watu wa kwanza kumpongeza.
