Thiago Alcantara Kutoka Bayern Kwenda Liverpool

Kwa mujibu wa chanzo cha habari za michezo cha Argentina, Liverpool wanatarajiwa kukubaliana na dili la kumsaini Thiago Alcantara kutokea Bayern Munich kwa €35m

Taarifa zingine kutoka Hispania zilikuwa zikimtaja staa huyu kuwa yupo mbioni kujiunga na klabu ya Liverpool. Huenda anaweza kusogeza mabadiliko ya aina fulani kwenye safu ya kati klabuni Liverpool.

Staa huyu ni moja kati ya mastaa waliomaliza Akademi ya soka ya Barcelona. Kwa ujumla safari yake ya soka la kulipwa ilianzia Barcelona, akiichezea timu ya vijana toka mwaka 2006 hadi mwaka 2008.

Mwaka 2008 hadi mwaka 2011 alikuwa akiichezea Barcelona B. Mwaka 2011 aliingia rasmi kikosi kikuu cha Barcelona ambacho alitumikia hadi mwaka 2013 alipokamilisha uhamisho kwenda Bayern Munich.

Ni moja ya mastaa wanaotajwa kuwa vizuri kwenye nafasi zao. Thiago ameona goli mara 3 katika mechi zake 35, katika michuano yote msimu huu. Inaweza kuwa ni magoli machache lakini anaonekana kuwa makini sana.

Hata hivyo, Mkurugenzi mkuu wa Bayern Munich Karl-Heinz Rummenigge, alishaweka wazi awali kuwa staa huyu anataka kuondoka. Mkurugenzi alitaja kuwa jitihada za mazungumzo ziligonga mwamba na inaonekana alikuwa ana mpango wa kufanya kitu ingine.

Karl-Hein alibainisha kuwa awali hawakuwa wamefanya mazungumzo na Liverpool lakini kama staa huyu atahitaji kwenda Liverpool watahitaji kufanya nao mazungumzo. Bayern Munich hawapo tayari kumpoteza bure wakati mkataba wake ukiwa unafika tamati mwisho wa msimu huu.