Tottenham Wameazimia Kumbakiza Kolo Muani Licha ya Kuwepo kwa Nia Kutoka Juve.

Ingawa Randal Kolo Muani na Juventus wanaonekana kuwa na hamu ya kuungana tena, inaripotiwa kuwa Tottenham wanakataa kusitisha makubaliano ya mkopo na Paris Saint-Germain.

Mshambuliaji huyo tayari aliwahi kuichezea Juventus kwa mkopo kutoka PSG mwaka 2025, lakini klabu hizo zilishindwa kufikia makubaliano ya uhamisho wa kudumu.

Badala yake, alijiunga na Tottenham Hotspur kwa mkopo na alifunga jana usiku kwenye Ligi ya Mabingwa Ulaya, jambo linalomfanya awe na mabao matatu na pasi tatu za mabao katika mechi 24 za mashindano yote akiwa na klabu ya Uingereza.

Meridianbet inakwambia kuwa endelea kubashiri hapa kwani ODDS KUBWA na machaguo zaidi ya 1000 yapo hapa. Ingia kwenye akaunti yako na uanze safari yako ya ushindi sasa.

 Kwa mujibu wa Sky Sport Italia, baada ya Kolo Muani kuonyesha nia ya kurejea Juventus, Tottenham walifunga kabisa milango.

Inaonekana hawana mpango wowote wa kumruhusu mshambuliaji huyo wa kati aondoke mapema katika mkopo wake wa msimu mmoja, hata kama mchezaji mwenyewe na Paris Saint-Germain wako tayari kwa uhamisho huo.

Iwapo hakuna kitakachobadilika, Juventus wataelekeza macho yao kwa mlengwa mwingine ili kuimarisha safu yao ya ushambuliaji katika dirisha la usajili la Januari.

Miongoni mwa chaguo zilizopo ni John Duran wa Fenerbahce, lakini Juve wanatafuta tu mchezaji anayepatikana kwa mkopo wenye kipengele cha kununuliwa baadaye.