Ultramarathon : Wanariadha 21 Wafariki Hali Mbaya ya Hewa.

Takriban Watu 21 wamefariki Dunia kufuatia Mvua yenye Baridi na Upepo mkali wakati wanakimbia mbio za Ultramarathon katika Jimbo la Gansu, Kaskazini Magharibi mwa China.

Maafisa wa eneo wanasema mbio hizo zilizojumuisha Watu 172 ziliathiriwa ghafla na hali mbaya ya Hewa ambapo ndani ya kipindi kifupi Joto lilipungua na kutokea Mvua yenye Barafu.

Washiriki kadhaa wa Ultramarathon walituma ujumbe wakiomba msaada na kufuatia hali kuendelea kuwa mbaya waandaaji waliahirisha mbio hizo na kutuma timu za waokoaji.

“Karibu saa sita mchana, sehemu ya mwinuko kati ya kilomita 20 hadi 31 iliathiriwa ghafla na hali mbaya ya hewa. Katika kipindi kifupi, mawe ya mvua ya mawe na mvua ya barafu ilinyesha ghafla katika eneo hilo, na kulikuwa na upepo mkali. Joto lilipungua sana, ”alisema Meya wa jiji la Baiyin Zhang Xuchen.

 

“Muda mfupi baada ya kupokea ujumbe wa msaada kutoka kwa washiriki [Ultramarathon] wengine, waandaaji wa mbio za marathon walituma timu ya uokoaji ambayo imeweza kuokoa washiriki 18, alisema.

“Karibu saa 12 jioni (06:00 GMT), hali ya hewa ilizidi kuwa mbaya na mbio zilifutwa mara moja wakati serikali za mitaa zilipotuma waokoaji wengi kusaidia, Zhang aliongeza.

 

“Tukio hili ni tukio la usalama wa umma lililosababishwa na mabadiliko ya ghafla ya hali ya hewa katika eneo la karibu,” alisema, akiongeza kuwa mamlaka za mkoa zitachunguza zaidi sababu yake.

“Wakimbiaji wengine wanane walikuwa wakitibiwa hospitalini kwa majeraha madogo” aliongeza Zhang.

UNAWEZA KUWA MILIONEA WAKATI WOWOTE!

Zungusha na ushinde mkwanja wako papo hapo baada ya mzunguko kukamilika. Ni kugusa tu 🤑.

BASHIRI SASA