Dirisha la usajili la majira ya kiangazi limefika ukingoni, huku vilabu vya Premier League vikikimbizana na muda kukamilisha dili zao kabla ya muda wa mwisho hapo kesho. Majina makubwa kama Julian Alvarez, Enzo Fernandez, Cody Gakpo na Ismaila Sarr bado yanaweza kubadili klabu katika saa za mwisho.
Julian Alvarez anaonekana kuwa moja ya dili kubwa zaidi kufuatiliwa. Arsenal wanamtaka mshambuliaji huyo wa Atletico Madrid, lakini klabu hiyo inahitaji takribani €150m (£128m). Alvarez amekosa baadhi ya mazoezi na pia hakusafiri na timu kwenye mchezo dhidi ya Sevilla, huku hatma yake ikiwa bado haijulikani.
Huko Chelsea, Enzo Fernandez naye yupo kwenye sintofahamu baada ya kuhusishwa na usajili wa Manchester City. City wanahitaji kiungo baada ya kuondoka kwa mastaa kadhaa, na dili hilo likikamilika linaweza kuwa rekodi ya klabu, likizidi £116m walizolipa kwa Elliot Anderson. Kuondoka kwa Fernandez kunaweza kufungua mlango kwa Lamine Camara wa Monaco.
Manchester City pia wameingia kwenye vita ya usajili wa Cody Gakpo kutoka Liverpool kwa ofa inayoweza kufikia £85m. Gakpo anasemekana kuvutiwa zaidi na City, lakini Liverpool hawataki kumuuza bila kwanza kupata mshambuliaji mwingine. Spurs pia wanamfuatilia nyota huyo wa Uholanzi.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Liverpool kwa upande wao wamegeukia Ismaila Sarr wa Crystal Palace baada ya Brighton kukataa ofa ya £60m kwa Yankuba Minteh. Sarr anaonekana kuwa mbadala wa Minteh kutokana na uwezo wake wa kucheza upande wa kulia, lakini Palace tayari walikataa mawasiliano ya awali ya Liverpool.
Everton nao wana matumaini makubwa ya kumbakiza Jack Grealish kwa mkopo kutoka Manchester City. Grealish, ambaye msimu uliopita alicheza kwa mkopo Everton, anapendelea kurejea Goodison Park kuliko kurejea Aston Villa, klabu aliyokulia akiishabikia.
Manchester United huenda wakawa na shughuli chache zaidi siku ya mwisho, huku Joshua Zirkzee akiwa miongoni mwa wachezaji wanaoweza kuondoka. Fiorentina wamejiondoa kwenye mazungumzo, lakini Juventus wanamfuatilia, huku usajili wake ukitegemea Jonathan David kuondoka Juventus kwenda Atletico Madrid.
