Villas-Boas Kocha wa Marseille 2020-21

Andre Villas-Boas atakuwa ndiye kocha wa klabu ya soka ya Olympique de Marseille kwa msimu wa mwaka 2020-21.

Hilo limethibitishwa na wakali hao wa ligi kuu ya nchini Ufaransa, Ligue 1.

Meneja Villas-Boas amesaini mkataba wa muda wa miaka miwili na kumekuwa na fununu kutoka kwenye vyombo vya habari vya Ufaransa vikidai kuwa meneja huyo wa zamani wa klabu za soka za Chelsea na Tottenham Hotspur anaweza asiendelee kuwa nao ingawa aliipeleka klabu hiyo kwenye hatua ya makundi ya michuano ya UEFA Champions League walipomaliza msimu wakiwa katika nafasi ya pili mbele ya Paris Saint-Germain msimu uliopita.

Kwa sasa OM wamethibitisha kwua Mreno huyo mwenye umri wa miaka 42 atakuwa ndiye mwenye majukumu ya kuiongoza klabu hiyo katika kampeni za msimu ujao.

“Mara baada ya kuwepo na mazungumzo baina ya mmiliki wa klabu, Frank McCourt pamoja na Rais wa klabu, Jacques-Henri Eyraud katika siku za hivi karibuni, Andre Villas-Boas aliamua kuthibitisha kwamba anataka kusalia hapa hapa akiwa na OM kwa msimu mwingine,” maelezo yalitolewa na klabu hiyo.