Vinicius Junior ameendelea kuwa miongoni mwa mastaa wakubwa wa Real Madrid, lakini kiwango chake cha kufunga mabao kimeanza kuzua maswali katika hatua za mwanzo za msimu huu.
Nyota huyo wa Brazil alihusishwa na uwezekano wa kuondoka Santiago Bernabeu kuelekea Arsenal katika dirisha la usajili lililopita, lakini hatimaye akasaini mkataba mpya na Real Madrid na kuweka wazi mustakabali wake ndani ya klabu hiyo.
Kulikuwa na matumaini kwamba ujio wa Jose Mourinho ungeweza kumsaidia Vinicius kurejea kwenye kiwango chake bora. Hata hivyo, hadi sasa mambo hayajaenda kama ilivyotarajiwa, huku mshambuliaji huyo akionekana kutokuwa kwenye ubora wake wa kawaida.
Katika mchezo dhidi ya Elche, Vinicius alipata nafasi kadhaa za kufunga lakini alishindwa kuzitumia. Baada ya mchezo huo, Mbrazil huyo alitumia mitandao ya kijamii kueleza masikitiko yake kwa nafasi alizokosa, huku akiwaahidi mashabiki kuwa mabao yake yatarejea.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
“Mabao yatarudi, siwezi kukosa nafasi nyingi hivi. Kuna mchezo mwingine Jumapili. Hala Madrid!” Vinicius aliandika, huku akielekeza mawazo yake kwenye mchezo mkubwa unaofuata wa Madrid Derby dhidi ya Atletico Madrid.
Mchezo huo unaweza kuwa nafasi nyingine kwa Vinicius kuonyesha ubora wake, hasa kutokana na historia ya ushindani wake dhidi ya Atletico. Hata hivyo, kinachosubiriwa ni kama derby hiyo itakuwa mwanzo wa kurejea kwake kwenye kiwango cha juu.
Kwa sasa, Vinicius amefunga bao moja pekee katika mechi saba alizoichezea Real Madrid msimu huu. Pamoja na hilo, ametoa assist tatu, alisababisha penalti katika dakika za mwisho dhidi ya Real Betis na pia alitoa mchango muhimu dhidi ya Inter Milan.
Hata hivyo, mabao ndiyo yanayokosekana zaidi kwake kwa sasa. Real Madrid wanachokihitaji kutoka kwake ni ubora wake mbele ya lango.
