Zlatan Kuchelewa Kurejea Dimbani

Kulikuwa na wasi wasi mkubwa juu ya kurejea dimbani mapema kwa mshambuliaji wa AC Milan, Zlatan Ibrahimovic, baada ya kuripotiwa kupata jeraha la enka katika ripoti za awali Jumatatu.

Hata hivyo, Zlatan anaripotiwa kuwa atalazimika kusubiri kurejea uwanjani baada ya vipimo kuonesha kuwa ana majeraha ya misuli.

Nyota huyu alihofiwa kuwa huenda angekuwa ameumia zaidi, lakini taarifa za vipimo vyake zilirejesha matumaini kuwa hakuwa ameumia enka.

Ripota wa kituo kimoja cha habari aliripoti kuwa nyota huyu mwenye miaka 38, alipata jeraha wakati wa mazoezi Jumatatu, na atatakiwa kufanyiwa vipimo baada ya siku 10 zaidi kuona maendeleo yake.

Kama mambo yakienda kama inavyotarajiwa basi staa huyu atarejea dimbani ndani ya mwezi mmoja kutoka leo. Hatakuwa amechelewa kuwasaidia Milan kupambana kumalizia kibarua walicho nacho.

Mshambuliaji huyu wa zamani wa Swiden alipata jeraha kama hili mwaka uliopita na kujikuta akikosa mechi za mapema Januari na Februari