Iran Kushiriki Kombe la Dunia, Rais wa FIFA Athibitisha

Rais wa FIFA Gianni Infantino amesema Iran “hakika” itashiriki Kombe la Dunia la 2026, licha ya vita vinavyoendelea Mashariki ya Kati.

Gianni Infantino alisema: “Iran itakuja bila shaka. Tunatumai kufikia wakati huo kutakuwa na hali ya amani, jambo ambalo bila shaka litasaidia  katika mkutano wa kiuchumi ulioandaliwa na kituo cha habari cha CNBC.”

“Lakini Iran lazima washiriki, wanawakilisha watu wao, tayari wamefuzu, na wachezaji wanataka kucheza,” aliongeza kuhusu mechi zao zijazo zitakazofanyika nchini Marekani mwezi Juni.

Infantino alikuwa ametoa kauli kama hizo mwezi Machi, alipohudhuria mechi ya kirafiki kati ya Iran na Costa Rica mjini Antalya, Uturuki, licha ya Rais wa Marekani Donald Trump hapo awali kudokeza kuwa wachezaji wa Iran huenda wasiwe “salama” nchini Marekani.

Iran imepangwa kucheza mechi zake tatu za Kundi G nchini Marekani mbili Los Angeles na moja Seattle na kambi yao ya mashindano ikiwa Tucson, Arizona.

Kushiriki kwa Iran katika mashindano ya kimataifa yatakayofanyika kwa pamoja Marekani, Kanada na Mexico kulitiliwa shaka kutokana na mzozo ulioanzishwa na Marekani na Israel tarehe 28 Februari.

Timu hiyo ilidokeza uwezekano wa kususia mashindano hayo kabla ya kuiomba FIFA ihamishe mechi zake kutoka Marekani ziende Mexico, ombi ambalo shirikisho hilo la soka duniani lililikataa.

Baada ya wiki kadhaa za mashambulizi ya anga dhidi ya Iran na mashambulizi ya kujibu kutoka Iran dhidi ya Israel na nchi nyingine za eneo hilo, makubaliano dhaifu ya kusitisha mapigano yalianza tarehe 8 Aprili.

Hata hivyo, Tehran imeifunga Mlango wa Bahari wa Hormuz, na tangu Jumatatu Washington imeweka zuio kwa meli zinazotoka au kuelekea bandari za Iran.

“Michezo inapaswa kuwa nje ya siasa. Ikiwa hakuna mwingine anayeamini katika kujenga madaraja na kuyadumisha, sisi tunafanya kazi hiyo”. Alisema Gianni Infantino Jumatano.

Kombe la Dunia, ambalo kwa mara ya kwanza litashirikisha timu 48, litaanza Juni 11.