Kwa mujibu wa ripoti, Chelsea ni miongoni mwa vilabu vya Ligi Kuu England vinavyomvizia kiungo wa Lille, Ayyoub Bouaddi.
The Blues walikuwa aktivi sana katika dirisha la majira ya kiangazi, wakifanya uwekezaji mkubwa kwenye kikosi chao, hasa katika safu ya ushambuliaji ambako walisajili wachezaji watano wapya.
Huku dirisha la usajili la Januari likikaribia, haitegemewi The Blues kuwa na shughuli nyingi, ingawa katika soka mambo hubadilika haraka.
Mashabiki wangependa kuona angalau usajili mmoja au miwili ya kikosi cha kwanza mwezi Januari, lakini hilo linaonekana kuwa gumu kutokea. Hata hivyo, The Blues inaendelea kuwafuatilia kwa karibu wachezaji wa baadaye.
Tayari The Blues wamekubaliana kusajili mchezaji wa miaka 16, Deinner Ordonez, huku Mohamed Zongo akitarajiwa kujiunga na Strasbourg kwa mpango wa baadaye kuichezea The Blues. Bouaddi ameonyesha kiwango kizuri akiwa Lille msimu huu.
Hata hivyo, inaonekana kuna jina jingine jipya kwenye rada ya Chelsea, ambapo Caught Offside wameripoti kuwa The Blues ni miongoni mwa vilabu vinavyomtaka Bouaddi.
Ripoti hiyo inaongeza kuwa Manchester United na Arsenal pia wanamfuatilia kwa karibu kiungo huyo wa miaka 18. Chelsea wanaweza kutoa dau la kati ya euro milioni 45 hadi 50 mwezi Januari na kisha kumtoa kwa mkopo Strasbourg, ingawa Lille wanadaiwa kushikilia bei ya euro milioni 60.
Bouaddi, ambaye tayari aliwahi kuhusishwa na Chelsea hapo awali, ameshacheza mechi 20 katika mashindano yote msimu huu na ni mhimili muhimu wa kikosi cha Lille ambacho kwa sasa kinashika nafasi ya nne kwenye Ligue 1.
Bado haijulikani kama Chelsea wataamua kusajili kiungo mwezi Januari, lakini kuna uwezekano mkubwa wakaongeza mchezaji wa nafasi hiyo msimu ujao.
