Aston Villa imetangaza rasmi kumsajili kiungo chipukizi mwenye kipaji cha hali ya juu, Mohamed Koné, kutoka klabu maarufu ya ASEC Mimosas ya Ivory Coast, kitovu cha vipaji ambacho kimewahi kuzalisha nyota kama Yaya Touré, Kolo Touré, Odilon Kossounou, Karim Konaté na Touré Bazoumana.
Koné, ambaye ni mchezaji wa timu ya taifa ya vijana chini ya miaka 20 na 23, alihitimu kutoka akademia ya MimoSifcom na kujiunga na kikosi cha kwanza cha ASEC akiwa na umri wa miaka 17 pekee.
Baada ya kutumia wiki kadhaa katika kituo cha mazoezi cha Bodymoor Heath, Koné alijiunga rasmi na Aston Villa msimu huu wa kiangazi. Tangu wakati huo, amekuwa akicheza na kikosi cha Under-21 na tayari ameonyesha makali yake kwa kufunga bao lake la kwanza la ushindani dhidi ya Peterborough United katika Kombe la Vertu.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa.
Usajili huu si tu ushahidi wa ubora wa Koné, bali pia ni ishara ya uhusiano wa karibu unaoendelea kujengeka kati ya Aston Villa na ASEC Mimosas. Kama sehemu ya ushirikiano huo, Villa imeialika ASEC kushiriki mechi nchini Uingereza na pia mashindano jijini Cairo kupitia klabu mshirika, ZED FC
