PSG Na Bao la Dakika ya Mwisho kutoka kwa Ramos

Katika usiku wa kihistoria kwenye Uwanja wa Olimpiki jijini Barcelona, mabingwa watetezi wa Ligi ya Mabingwa Ulaya, Paris Saint-Germain (PSG), walifanya maajabu kwa kuibuka na ushindi wa 2-1 dhidi ya Barcelona, bao la ushindi likifungwa na Gonçalo Ramos katika dakika ya 90.

Barcelona, chini ya kocha Hansi Flick, walitangulia kwa bao safi la Ferran Torres kufuatia pasi ya haraka kutoka kwa Marcus Rashford. Lakini PSG, licha ya kukosa nyota wao wakuu kama Ousmane Dembélé, Désiré Doué na Khvicha Kvaratskhelia, walijibu kwa kishindo kupitia kinda Senny Mayulu aliyefunga bao la kusawazisha kabla ya mapumziko, akimalizia kwa ustadi pasi ya Nuno Mendes aliyewatesa walinzi wa Barca kwa kasi na ujanja wake.

Mchezo huo ulikuwa wa kusisimua, wa kasi na wa kiwango cha juu kama ilivyotarajiwa kutoka kwa vigogo hawa wa soka barani Ulaya. Lamine Yamal, chipukizi wa Barcelona, alionyesha ubora wake kwa kuwapita mabeki wa PSG na kutengeneza nafasi ya kwanza ya wazi, lakini juhudi zake zilikataliwa na uokoaji wa kiustadi kutoka kwa Illia Zabarnyi.

PSG walizidi kujiamini kadri muda ulivyopita. Bradley Barcola na Lee Kang-in walikaribia kufunga, huku Achraf Hakimi akionyesha uhodari wake kwa kuzuia bao la Dani Olmo na baadaye kutoa pasi ya ushindi kwa Ramos, aliyekimbia kwa wakati sahihi na kumalizia kwa utulivu mkubwa.

Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa.

Kocha Luis Enrique, aliyewahi kuiongoza Barcelona kutwaa mataji matatu mwaka 2015, alisifia ushindi huo akisema “Ni ushindi muhimu sana dhidi ya timu ngumu. Hakuna shaka, Hakimi na Mendes ni mabeki bora duniani.”

Kwa upande wa Barcelona, Frenkie de Jong alikiri “Kupoteza nyumbani kwa bao la dakika ya mwisho ni maumivu. Lakini bado tuna safari ndefu kwenye mashindano haya.”