Klabu ya Saudi Arabia Al-Ahli iko tayari kupeleka ofa ya pauni milioni 30 kumsajili Riyad Mahrez kutoka Manchester City.
Klabu hiyo ya Saudi tayari imetoa ofa ya pauni milioni 25 kwa mwaka kwa Mualgeria huyo, kwa mujibu wa The Athletic, na lazima sasa wawashawishi mabingwa hao wa Ulaya kumuuza mchezaji huyo.
City wanadaiwa kutaka kumbakiza mchezaji huyo ambaye amebakiza miaka miwili kwenye mkataba wake katika uwanja wa Etihad.
Bashiri na mabingwa wa ODDS KUBWA Tanzania Meridianbet kw akucheza mechi mubashara na machaguo zaidi ya 1000. Ingia sasa na ucheze.
Ingawa mchezaji huyo mwenye umri wa miaka 32 alimkosa Bernardo Silva katika mrengo wa kulia katika fainali za Kombe la FA na Ligi ya Mabingwa msimu uliopita, Mreno huyo anatazamwa kama mbadala wa Ilkay Gundogan aliyeondoka kuelekea Barcelona.
Hiyo ina maana kwamba Mahrez bado angekuwa na jukumu muhimu la kucheza huku kikosi cha Pep Guardiola kikilenga kutetea mataji matatu msimu ujao.
Tangu asajiliwe kutoka Leicester mwaka 2018, winga huyo ameshinda mataji manne ya Ligi Kuu, mawili ya FA, matatu ya Kombe la EFL na Ligi ya Mabingwa.
Amefunga mabao 78 katika mechi 236 katika miaka yake mitano katika klabu hiyo.
