Pamoja na Arsenal kupata ushindi wa pili mfululizo katika Ligi ya Mabingwa Ulaya kwa kuichapa Olympiacos 2-0 katika dimba la Emirates, lakini furaha ya ushindi huo iligubikwa na hofu ya jeraha kwa beki Gabriel Magalhães, ambaye alilazimika kutolewa uwanjani baada ya kugongana na kipa David Raya. Gabriel alionekana akipata matibabu na kuondoka akiwa na maumivu, hali iliyozua wasiwasi kwa mashabiki na wachezaji wa Gunners.
Kocha Mikel Arteta alitoa taarifa ya kutia moyo baada ya mechi, akisema: “Nadhani atakuwa sawa. Alihisi maumivu kidogo, labda ni kipigo. Alikuwa na hali ya kutokuwa sawa, lakini angeweza kuendelea. Tuliamua kumtoa ili kuepuka hatari zaidi.” Kauli hiyo ilionyesha tahadhari ya kocha huyo, hasa ikizingatiwa kuwa Gabriel alitoka kwenye jeraha la msuli wa paja mapema mwaka huu.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa.
Arsenal tayari wamekumbwa na msururu wa majeraha msimu huu, wakiwakosa nyota kama Martin Odegaard, William Saliba, Noni Madueke na Saka kwa vipindi tofauti. Kwa bahati nzuri, usajili wa majira ya kiangazi umeongeza kina kikosini, na Cristhian Mosquera anaweza kuchukua nafasi ya Gabriel endapo hali yake haitaimarika kabla ya mechi dhidi ya West Ham United.
Kwa sasa, mashabiki wa Arsenal wanatumai kuwa Gabriel atapona haraka, huku timu ikijiandaa kwa ratiba ngumu ya mechi za ndani na Ulaya. Ushindi dhidi ya Olympiacos umeongeza morali, lakini afya ya wachezaji wake nyota itaamua kasi ya mafanikio yao msimu huu.
