Kocha mkuu wa Barcelona Xavi Hernandez anasisitiza kwamba bado kuna mengi zaidi ya kuja kutoka klabuni hapo baada ya timu yake kushinda 1-0 dhidi ya Villarreal na kufungua uongozi wa pointi 11 kwenye LaLiga.
Barcelona waliendelea na rekodi yao nzuri ya mwaka huu kwa ushindi wa 11 mfululizo kutokana na bao la Pedri kipindi cha kwanza akiwa El Madrigal.
Licha ya sasa kuwa na faida ya pointi mbili dhidi ya Madrid, ambao wanacheza mechi yao mkononi dhidi ya Elche siku ya Jumatano
Xavi anasema kuwa; “Villarreal walitaka kumiliki mpira leo, na walitubana. Tulikosa pasi nyingi za mwisho na, kwa kufanya hivyo, tumeishia kuteseka.”
Barcelona wameandikisha ushindi mara saba kwa bao 1-0 katika michezo 21 ya LaLiga msimu huu, sawa na jumla yao ya juu zaidi katika msimu mzima katika historia ya mashindano hayo.
Wameruhusu mabao saba pekee ya LaLiga katika kampeni zote, ambayo ni sita pungufu kuliko timu yoyote katika ligi tano bora za Ulaya.
Bao la Pedri dakika ya 18 lilikuwa lake la sita msimu huu kwenye ligi, mabao manne kati ya hayo alifunga Barca katika ushindi wa 1-0.
Barca watawakaribisha Cadiz katika mechi yao inayofuata ya ligi, lakini kwanza watamenyana dhidi ya Manchester United katika raundi ya mtoano ya kwanza ya Ligi ya Europa siku ya Alhamisi.
