Leicester wamethibitisha kumteua Dean Smith kama kocha wao wa muda hadi mwisho wa msimu huu.
Smith mwenye miaka 52, amefurahia muda wa kuinoa Brentford, Aston Villa na Norwich na sasa ana jukumu la kuwabakisha Foxes kwenye ligi kuu msimu ujao.
Alisema: “Nina furaha sana kupata nafasi ya kuongoza timu katika wiki hizi za mwisho za msimu. Changamoto iliyo mbele yetu ni wazi, lakini ni moja mimi na timu yangu ya kufundisha tumewahi kuipitia na, kwa ubora katika kikosi hiki na idadi ya michezo iliyobaki, inawezekana sana.”
Klabu hiyo ya East Midlands ilimfukuza Brendan Rodgers mapema mwezi huu, na kuiacha Leicester ikiwa nafasi ya pili chini na bila ushindi wowote tangu Februari.
Craig Shakespeare ataungana na Smith dimbani baada ya kukaa miaka sita katika klabu hiyo kama msaidizi na meneja. Wawili hao watatupwa kwenye kina kirefu mara tu wakijiandaa kumenyana na Manchester City kwenye Uwanja wa Etihad Jumamosi jioni.
Smith aliendelea kuelezea mpango wa mbele kwa Foxes akisema kuwa kazi yao ya kwanza ni kujenga tena imani na kuiamini timu na anatazamia kufanya kazi na wachezaji wiki hii.
“Jumamosi itakuwa mtihani mkubwa, lakini ni aina ya tukio ambalo linatukumbusha sote maana ya kuwa klabu ya Ligi Kuu, kushindana kwenye hatua kubwa dhidi ya wachezaji bora zaidi duniani.”
Smith anasema kuwa anajua ataungwa mkono vyema na mashabiki wao wanaosafiri. Wanapswa kuungana na hilo na kuwapa uchezaji ambao wanaweza kujivunia kwani wanaenda kutafuta pointi.
