Chelsea imesalia bila ushindi tangu Frank Lampard arejee dimbani na kocha huyo wa muda wa Blues anakabiliwa na uwezekano wa kuondolewa kwenye Ligi ya Mabingwa mikononi mwa Real Madrid leo.
Kupoteza kwa Wolves na Brighton kwenye Ligi ya Uingereza tayari kumesababisha uwezekano kwamba gwiji huyo wa klabu atasalia kuinoa Stamford Bridge baada ya mwisho wa msimu.
Kabla ya mkondo wa pili wa robo-fainali huko London Magharibi, wafuatao ni wagombea wanaowania kukinoa kikosi hicho.
Julian Nagelsmann
Mkufunzi wa Bayern Munich aliyeondolewa klabuni kule Julian Nagelsmann anasalia kuwa mmoja wa wanaopendekezwa kuwa meneja ajaye wa The Blues na ripoti zinaonyesha kwamba mazungumzo tayari yamefanyika na Mjerumani huyo.
Baada ya kutengeneza jina lake akiwa Hoffenheim na RB Leipzig, mtaalamu huyo mwenye umri wa miaka 35 alishinda Bundesliga na wababe hao wa Bavaria mnamo 2021-22 na bado alikuwa akipigania mataji matatu makubwa kabla ya kutimuliwa mwezi uliopita.
Mtindo wake wa uchezaji mkali ungekaribishwa Stamford Bridge lakini kuna wasiwasi juu ya uzoefu wa Nagelsmann katika kiwango cha juu.Anasalia kuwa mmoja wa makocha wachanga zaidi katika ligi tano bora za Ulaya na anatarajiwa kuleta mafanikio ya papo hapo chini ya utawala wa Todd Boehly.
Luis Enrique
Mgombea mwingine wa juu wa kiti hicho cha moto ni kocha mkuu wa zamani wa Uhispania na Barcelona Luis Enrique.
Mhispania huyo ambaye ni mzoefu amekuwa hana kazi tangu aache jukumu lake katika timu ya taifa baada ya kuangushwa katika michuano ya Kombe la Dunia nchini Qatar mwaka jana.
Mtindo wake wa uchezaji wa tiki-taka ungefanya timu yake ionekane kutawala mpira na kocha huyo mwenye umri wa miaka 52 angepata heshima mara moja, kutokana na kuhesabu mataji saba makuu aliyoshinda Barca.
Jose Mourinho
Jose Mourinho anasemekana kuwa yupo tayari kurejea Chelsea, akitaka kumiliki dimba la Stamford Bridge kwa mara ya tatu katika maisha yake ya soka. Kocha huyo wa Roma anaheshimika kwa mafanikio yake katika vilabu vingi na alishinda Ligi ya Uingereza katika misimu yake miwili ya awali akiwa kama mkufunzi.
Sababu za hisia zinaweza kuwa sababu kuu ya wazo la kurejea kwa Mourinho lakini rekodi yake ya ushindi na uhusiano na mashabiki ungewaridhisha wengi wa waaminifu wa The Blues.
Marcelo Gallardo
Marcelo Gallardo itakuwa uteuzi wa kushangaza lakini anajivunia CV ya kuvutia.
Kocha huyo mwenye umri wa miaka 47 alitumia miaka nane kuinoa River Plate na alishinda tuzo nyingi za heshima nchini Argentina, ikiwa ni pamoja na taji la ligi na mataji mawili ya Copa Libertadores.
Sawa na Nagelsmann na Luis Enrique, Muargentina huyo anapendelea soka la kumiliki mpira na yuko tayari kuwa na subira na mchezo wa kujenga. Gallardo hajawahi kusimamia nje ya Amerika Kusini lakini inaweza kuwa hatari inayostahili kuchukuliwa.
Mauricio Pochettino
Mauricio Pochettino amekuwa akipigiwa upatu kuwania nafasi iliyo wazi katika klabu ya Tottenham lakini bado anaweza kuwa meneja ajaye wa Chelsea. Kocha huyo wa zamani wa Spurs amekuwa hana jukumu la usimamizi tangu alipoachishwa kazi na Paris Saint-Germain msimu uliopita wa joto.
Sasa anaweza kurejea Ligi ya Uingereza miezi ijayo kufanya kazi na moja ya kikosi ghali zaidi barani Ulaya.
