Mauricio Pochettino hakuweza kutazama toleo kamili la mahojiano ya kihisia ya Dele Alli na Gary Neville.
Akiongea kwenye kipindi cha The Overlap wiki iliyopita, Dele ambaye ni kiungo wa Everton alifichua kuwa alidhulumiwa kingono akiwa na umri wa miaka sita na alikuwa akiuza dawa za kulevya miaka miwili tu baadaye.
Pia aliinua kifuniko juu ya jinsi alivyopambana na uraibu wa tembe za usingizi na alitoka tu kwenye rehab mwezi uliopita alipokuwa akihangaika na afya yake ya akili.
Naye mkufunzi wa Chelsea Pochettino, ambaye alimfundisha Dele katika klabu ya Tottenham, anapanga kukutana na mchezaji wake wa zamani wakati The Blues watakaporejea kutoka katika ziara yao ya kujiandaa na msimu mpya nchini Marekani.
Katika mazungumzo ya kipekee na ESPN, Muargentina huyo mwenye umri wa miaka 51 alisema: “Bila shaka, ilikuwa vigumu kwangu kumuona. Sikumaliza mahojiano kwa sababu yalikuwa ya uchungu sana. Anajua jinsi tunampenda, jinsi alivyo muhimu kwetu kama mtu.”
Kocha huyo anasema kuwa, Dele kama mchezaji, alikuwa wa ajabu. Lakini kama mtu, ana moyo mkubwa na bila shaka, wanawasiliana. Baada ya ziara ya Marekani anatumai kumuona London, kukutana naye na kumfaraji sana.
“Siku zote, ni ngumu wakati unampenda mtu lakini anaonyesha kwenye mahojiano kama hii, ni chungu sana.”
Huku Chelsea walipokuwa wakijiandaa kwa mchezo wa kwanza wa kujiandaa na msimu wa jana usiku dhidi ya wachezaji wapya wa League Two Wrexham huko Chapel Hill, North Carolina, Pochettino huenda akaona wachezaji zaidi wakielekea kuondoka.
Majina ya nyota wakiwemo Mason Mount, N’Golo Kante, Kai Havertz na Mateo Kovacic tayari wameondoka msimu huu wa joto huku The Blues wakitafuta kufuta kumbukumbu ya kampeni mbaya ya 2022-23.
Na Poch anatarajia mshambuliaji Romelu Lukaku ndiye atakayefuata kuondoka. Aliongeza: “Ni dhahiri kinachoendelea kwake. Nadhani kati ya klabu na mchezaji, wanashiriki mawazo sawa na tunafanyia kazi hilo ili kujaribu kurekebisha na kuwa na suluhisho bora kwa pande zote mbili.”
