Nahodha wa Juventus na Italia Leonardo Bonucci amesisitiza kwamba wachezaji wa kikosi cha timu ya taifa wanataka ‘kurejea kuburudisha na kuwapa shauku’ mashabiki kabla ya nusu fainali ya Ligi ya Mataifa dhidi ya Uhispania leo hii.
Mchezaji huyo mwenye umri wa miaka 36, katika mahojiano na Sky Sports jana jioni, alikiri kwamba ingawa Ligi ya Mataifa ni mashindano mapya, bado ni muhimu sana na ambayo Italia wanataka kushinda.
Beki huyo wa kati mwenye ushawishi pia alibainisha kuwa Italia ina uwiano mzuri wa washindi wenye uzoefu na uteuzi unaoibukia wa vijana wenye vipaji, ambao anaamini wanaweza tu kuwa na matokeo chanya ya kusonga mbele.
Bonucci amesema; “Kuna ufahamu kwa upande wetu kwamba kwa kuanzisha wachezaji tuliowaona kwenye michuano ya Euro, tunaweza kuleta nyumbani kombe ambalo ni jipya, lakini muhimu sana. Tuko sawa kama kikundi, tulikutana na wengine huko Sardinia na ilikuwa nzuri kutumia siku hizo nne au tano pamoja kati ya kazi na burudani.”
Juu ya utambulisho wa vijana wa Italia, Bonucci alisema kuwa siku ambazo timu ilitumia pamoja katika mazoezi zimekuwa muhimu sana.
Bonucci pia aliulizwa kuhusu Nicolo Zaniolo na Davide Fratessi, ambao wote wamerejea kikosini baada ya kukosa mara ya mwisho. Pia wote wawili wamekuwa wakitajwa kuwa katika mstari wa kuhama klabu zao za sasa katika dirisha la usajili la majira ya kiangazi katika hatua mbalimbali.
Beki huyo ameongeza kuwa hakika wote wawili ni matarajio mazuri kwa Italia katika siku zijazo. Anachotamani kwao ni kupata uzoefu katika aina hii ya mechi haraka iwezekanavyo, kwa sababu inasaidia kuelewa vyema matukio muhimu. Wana sifa zote muhimu za kuvaa jezi kwa timu kubwa.
Kisha, akiongea kuhusus yeye, Bonucci alifichua kuwa yuko tayari kuchaguliwa leo hii kuanza kwenye mchezo.
Mwishowe, Bonucci aliulizwa kuhusu mzaha wa hivi majuzi uliofanywa na nahodha wa zamani aliyeshinda Kombe la Dunia, Fabio Cannavaro, ambaye alisema, kwa mzaha, kwamba Bonucci “tayari amestaafu, lakini bado hajui.”
“Sikubaliani na utani wa Cannavaro. Nimekuwa na majeraha na mambo fulani nje ya uwanja ambayo hayajanisaidia, lakini ninahisi bora kuliko miezi michache iliyopita. Bado nina mwaka kwenye mkataba wangu, tufurahie michezo hii miwili,” Alijibu.
