Bournemouth wamekamilisha usajili wa winga mwenye kiwango cha juu Dango Ouattara kutoka Lorient kwa kandarasi ya miaka mitano na nusu.
Ouattara mwenye umri wa miaka 20, amefanya vizuri kwenye Ligue 1 akiwa na Lorient, akifunga mabao sita na kutoa pasi nyingi za mabao katika mechi 18 alizocheza msimu huu.
Mchezaji huyo wa Kimataifa wa Burkina Faso alikuwa akihusishwa na vilabu vya Everton na Leicester, lakini Cherries waliwashinda wapinzani wao wa Primia Ligi hadi kusainiwa naye katika dili lililoripotiwa kuwa na thamani ya takriban pauni milioni 20.
Bournemouth itatumai kuwa Ouattara anaweza kuwasaidia kuwaondoa kwenye eneo la kushushwa daraja kwenye Ligi baada ya mwenendo wa kutisha, na kushindwa mara nane katika mechi tisa za mwisho za ligi kuwaacha pointi moja tu na nafasi juu ya tatu za mwisho.
Mtendaji mkuu wa Cherries Neill Blake alisema: “Tunafuraha kupata huduma ya Dango, mchezaji wa kutumainiwa na anayetafutwa na mwenye uwezo mkubwa. Tumekuwa tukimfuatilia kwa muda na anaendana na wasifu wa mchezaji chipukizi, mwenye tamaa, njaa na mchapakazi klabu hii inataka kumsajili.”
