Joao Pedro amepokea simu kutoka kwa mkurugenzi wa michezo wa FC Barcelona, Deco, kwa lengo la klabu hiyo ya Hispania kutaka kumsajili mshambuliaji huyo wa Chelsea kwa mujibu wa mdadisi Simon Phillips.
Pedro amekuwa mmoja wa usajili bora katika Premier League msimu huu baada ya kuhamia Chelsea kutoka Brighton & Hove Albion majira ya joto. Mshambuliaji huyo wa Brazil tayari ana mabao 14 na asisti nane katika ligi.
Ameonyesha kiwango cha juu sana mwaka 2026, ambapo mabao nane na asisti tano kati ya hizo vimepatikana tangu kuanza kwa mwaka huuikiwemo hat-trick na asisti moja katika ushindi wa 4-1 dhidi ya Aston Villa tarehe 4 Machi.
Ingawa Pedro amejiunga na Chelsea majira ya joto yaliyopita, tayari amevutia klabu kubwa kama Barcelona. Inaripotiwa kuwa Deco aliwasiliana na wawakilishi wa Pedro ili kupima uwezekano wa uhamisho wa majira ya joto, huku Barca wakitafuta mshambuliaji mpya wa kati.
Chaguo lao la kwanza kwa sasa ni Julián Álvarez, lakini kutokana na gharama kubwa na ushindani kutoka kwa klabu nyingine kubwa, Barcelona huenda wakapata ugumu kumsajili, hivyo Pedro anaangaliwa kama mbadala.
Hata hivyo, licha ya nia ya Barcelona, Chelsea hawako tayari kumuacha nyota wao. Mbali na kuwa mmoja wa washambuliaji bora kwenye ligi msimu huu na mchezaji mwenye kiwango bora kwa sasa, Pedro bado ana miaka saba katika mkataba wake, hali inayoiweka Chelsea kwenye nafasi nzuri ya kumdhibiti.
Kocha wa Chelsea, Liam Rosenior, pia ameonyesha wazi kuwa hataki kumuachia Pedro kwa sasa. Amesema:
“Naamini Joao yuko kwenye kiwango cha world-class kwa sasa. Katika miezi miwili niliyokuwepo hapa, ameonyesha hilo. Ni mshambuliaji wa kiwango cha juu kabisa.”
Sitamkubadilisha João na mchezaji yeyote kwa sasa, kwa sababu anaonyesha kila kitu ninachotaka kwa mshambuliaji wangu namba 9.
