Leon Goretzka Anatajwa Kuhamia Arsenal Licha ya Kuwindwa na AC Milan, Juve na Inter Milan.

Leon Goretzka anawindwa na klabu za Italia, lakini inaaminika anapendelea kuhamia Arsenal majira ya joto.

Goretzka ataondoka FC Bayern Munich bure mara mkataba wake utakapomalizika mwishoni mwa msimu huu. Kwa mujibu wa Sport Witness, yuko tayari kukataa ofa kutoka klabu mbalimbali barani Ulaya ili kuhakikisha anajiunga na Arsenal.

Mkurugenzi wa michezo wa Bayern, Christoph Freund, alisema mwezi Januari: “Leon anajisikia nyumbani sana katika klabu hii na timu hii. Licha ya kupokea ofa nyingi nzuri, aliamua kubaki hadi mwisho wa msimu. Baada ya mazungumzo ya wazi na yenye kujenga, tumekubaliana kuwa atatafuta changamoto mpya majira ya joto.”

Itakuwa miaka nane akiwa Bayern  miaka minane yenye mafanikio makubwa. Ataendelea kujitolea hadi mwisho wa msimu ili kushinda mataji zaidi.”

Kiungo huyo aliwahi kuhusishwa na kuondoka wakati wa dirisha la Januari, lakini aliamua kubaki ili kuheshimu mkataba wake na Bayern.

Arsenal ni miongoni mwa klabu zilizokuwa zikimuwania mapema mwaka huu, na sasa wanatarajiwa kuongeza juhudi zao kumsajili nyota huyo wa kimataifa wa Ujerumani.

Hii ni pigo kwa vigogo wengine wa Ulaya waliokuwa na nia ya kumsajili mchezaji huyo wa miaka 31 bure. Klabu kama AC Milan, Inter Milan, Juventus FC na SSC Napoli zote zimeonyesha nia.

Pia Tottenham Hotspur walihusishwa na dili hilo, lakini matokeo yao mabaya ya ligi pamoja na kutokuwepo kwenye mashindano ya Ulaya msimu ujao kunawapunguza nafasi.

Kwa sasa, inaelezwa kuwa Arsenal ndio wanaoongoza kwenye mbio za kumsajili Goretzka, huku klabu hiyo ikionekana kuwa chaguo lake la kwanza.