Leicester City imethibitishwa kushuka daraja hadi League One kwa mara ya pili mfululizo, hali inayokuja takribani muongo mmoja tangu walipotwaa ubingwa wa EPL. Matokeo hayo yanaashiria anguko kubwa kwa klabu hiyo iliyowahi kufanya historia katika soka la England.
Katika mchezo muhimu dhidi ya Hull City, Leicester walilazimika kutafuta ushindi ili kujiweka hai katika vita ya kubaki EFL Championship, lakini walilazimika kuridhika na sare ya mabao 2-2 iliyothibitisha kushuka kwao daraja. Wakiwa nyuma kwa pointi nane kabla ya mchezo huo huku zikiwa zimebaki mechi tatu pekee, matumaini yao yalikuwa finyu tangu mwanzo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Hull City ndio waliokuwa wa kwanza kuandika bao kupitia Liam Millar kipindi cha kwanza, lakini Leicester walirudi kwa nguvu kipindi cha pili baada ya Jordan James kufunga kwa penalti dakika ya 52, kabla ya Luke Thomas kuongeza bao la pili dakika mbili baadaye. Hata hivyo, bao la kusawazisha la Ollie McBurnie, likiwa la 15 kwake msimu huu, liliwavunja moyo Leicester ambao walishindwa kupata bao la ushindi.
“Nafasi ilikuwa mikononi mwetu lakini hatukuweza kuitumia ipasavyo,” ilielezwa kutoka ndani ya kambi ya Leicester baada ya mchezo huo, huku sare hiyo ikikatisha kabisa matumaini ya timu hiyo kusalia katika Championship msimu ujao.
Leicester walianza msimu wakipewa nafasi kubwa ya kupanda daraja, lakini mabadiliko ya makocha yakichangia kuyumba kwa timu hiyo yalizidi kudhoofisha jitihada zao. Kuanzia kufutwa kazi kwa Marti Cifuentes hadi ujio wa Gary Rowett, timu ilishinda mechi moja tu kati ya 11, hali iliyowasukuma rasmi kushuka daraja.
