Everton waliripotiwa kuwasilisha ombi la kuchelewa kumsajili Beto katika siku ya mwisho na mkurugenzi wa Udinese Pierpaolo Marino anathibitisha kwamba Bianconeri walipokea ofa muhimu’kwa mshambuliaji wao nyota mnamo Januari.
Marino alizungumza katika mkutano na waandishi wa habari siku ya leo, akimtambulisha mchezaji mpya wa Udinese Florian Thauvin, akisema kuwa hakika ataleta shauku zaidi kwenye Uwanja wa Dacia.
Mshindi huyo wa Kombe la Dunia la Ufaransa 2018 alipangwa kuchukua nafasi ya Gerard Deulofeu ambaye amelazimika kukaa nje ya uwanja kwa wiki kadhaa kufuatia upasuaji wa goti. Marino aliendelea kujadili mkakati wa uhamisho wa Udinese mwezi Januari.
Marino amesema kuwa; “Tulipokea ofa muhimu katika siku ya mwisho, haswa kwa Beto, klabu nyingine yoyote ingekubali. Unachosoma ni kweli, ikiwa tungekuwa na wamiliki wasio na mapenzi kidogo, tungekuwa na mshangao mbaya, lakini familia ya Pozzo ilitaka kuwabakisha wachezaji wote wakubwa na kutuimarisha na usajili mkubwa.”
Beto alijiunga na Udinese kutoka Portimonense ya Ureno mwaka 2021 kwa €7m na amefunga mabao 18 katika mechi 50 akiwa na timu hiyo ya Serie A. Mkataba wake huko Dacia Arena unamalizika Juni 2026. Ni mfungaji bora wa Udinese msimu huu akiwa na mabao saba katika michezo 21.
Inasemekana Everton walimpigia simu Atalanta kwa ajili ya Duvan Zapata wakati wa dirisha la usajili la Januari na hata kumfikiria Nicolò Zaniolo wa Roma, lakini Giallorossi walikataa kumpeleka mchezaji huyo kwa mkopo, wakitafuta uhamisho wa kudumu au mkataba wa mkopo wenye wajibu wa kumnunua.
