Mchezaji huyo wa kimataifa wa Serbia amekuwa na changamoto za majeraha msimu huu, akiwa amekosa miezi minne ya kucheza baada ya kufanyiwa upasuaji mnamo Desemba 2025.
Kulingana na La Gazzetta dello Sport, Dusan anazidi kuwa na mwelekeo wa kuongeza muda wake wa kubaki na Juventus, jambo ambalo lingempa nafasi ya kuanza msimu mpya akiwa katika mazingira anayoyafahamu vizuri, ambapo tayari ameanzisha uhusiano mzuri na kocha pamoja na wachezaji wenzake.
Ripoti kutoka Italia zinaeleza kuwa AC Milan wanamfuatilia nyota huyo wa Bianconeri, lakini kwa mujibu wa Gazzetta, Vlahović hayuko tayari kujiunga na klabu nyingine ndani ya Serie A ili asionekane kama anaisaliti “Old Lady”.
Bayern Munich bado wako kwenye mbio za kumsajili, ingawa mazungumzo kati yao na upande wa wawakilishi wa Dusan bado hayajafikia hatua ya juu hadi sasa.
Bayern Munich hawatakuwa na tatizo la kumpa mshahara wa juu kuliko Juventus, lakini Dušan Vlahović anaweza kupendelea kubaki na utulivu wa kuendelea kucheza Turin ili kurejesha kiwango chake baada ya msimu uliokuwa na changamoto.
Kulingana na La Gazzetta dello Sport, Juventus wanaweza kumpa mkataba mpya wa miaka miwili wenye mshahara wa €6–7 milioni, pamoja na nyongeza za bonasi.
Dusan alipata €12 milioni, ikiwa ni pamoja na bonasi, katika mwaka wake wa mwisho wa mkataba wake katika Allianz Stadium.
