Usajili: Hatma ya Lingard na Pereira ni Ipi?

Wakati huu ambapo dirisha la usajili likiendelea kutumika vyema kwa vilabu mbalimbali duniani. Tuangazie kidogo kikosi cha Man United chini ya Ole Gunnar Solskjaer.

Tangu kuanza kwa harakati za uhamisho wa wachezaji, Man United wamekuwa wakihusishwa na wachezaji mbalimbali. Sancho akiwa ameteka taarifa za kujiunga na timu hiyo, jambo ambalo mpaka sasa halieleweki.

Kunani Man United kwenye dirisha hili la Usajili?

Taarifa zinasema Donny Van De Beek ameshamaliza vipimo vya afya na huenda Man United wakatoa taarifa rasmi ya kumsajili kiungo huyu kutoka Ajax kwa ada ya pauni milioni 40.

Kutua kwa Van De Beek kutakuwa ni panga la moto kwa Lingard na Pereira kwani wanaendelea kuwa wachezaji wasio na namba kwenye kikosi cha Ole Gunnar Solskjaer.

Ujio wa Mholanzi huyo utaongeza nguvu kwenye safu ya kiungo ambapo tayari kuna wachezaji kama Juan Mata, Nemanja Matic, Scot McTominay, Fred, Bruno Fernandes na Paul Pogba. Kwa uwezo wa wachezaji hawa, ni dhahiri Lingard na Pereira hawana namba.

Kwa msimu uliopita, Lingard na Pereira wamecheza mechi chache sana kutokana na kutopata namba kwenye kikosi hicho, mara nyingi wamekuwa wakisugua benchi katika mechi za michuano yote. Huenda dirisha hili la usajili likawa ndio sehemu yao ya kuponea na sasa wanauwezekano mkubwa wa kuwekwa sokoni na Man United.

Ama kweli hakuna mwanzo usiokuwa na mwisho. Lingard alijunga na Man United akiwa na miaka 7 wakati Pereira alijiunga akiwa na miaka 15, sasa hivi wote wapo katika hali ya sintofahamu katika kikosi cha Ole Gunnar Solskjaer.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa