Robert Lewandowski amesema kuwa haogopi kucheza kwenye Kombe lingine la Dunia, lakini nahodha huyo wa Poland amekiri kuwa timu yake ingehitaji mabadiliko katika mbinu katika mchezo wa jana.
Lewandowski alishuhudia timu yake ikichapwa 3-1 na Ufaransa katika mchezo wao wa hatua ya 16 bora, wakijiondoa Qatar 2022 baada ya kampeni ya kutatanisha ambayo iliwafanya wasumbuke katika hatua ya makundi pia.
Akiwa amefika kwenye dimba hilo bila bao la Kombe la Dunia katika maisha yake ya soka, Lewandowski aliongeza bao lake la pili la mchuano huo kwa mkwaju wa penalti mwishoni mwa dakika za mwisho za mpira.
Lakini alipoulizwa ikiwa bado atakuwa katika mfumo wa kushiriki katika Kombe la Dunia la 2026 katika muda wa chini ya miaka minne wakati ambapo atakuwa na umri wa miaka 37, alijibu kuwa;
“Kiwiliwili, siogopi, lakini kuna mambo mengi ya kusimamia kwanza. Ni vigumu kusema kwa sasa. Kiuchezaji, hainitishi, lakini bado kuna mambo mengi ya kutokuwa na uhakika, bado ni safari ndefu na ni wazi unahitaji kufurahia mchezo, tukishambulia, ni tofauti kidogo.”
Poland muda wote ilikuwa duni dhidi ya timu ya Ufaransa ambayo, hata ikiwa na nyota kadhaa muhimu waliokosekana kutokana na majeraha, wameibuka miongoni mwa wanaopewa nafasi kubwa ya kutwaa taji waliloshinda miaka minne iliyopita.
Lewandowski amesema kuwa walipambana na kujaribu kufanya wawezavyo, walicheza vizuri sana katika ki[indi cha kwanza wakiwa na nafasi chache, labda kama wangefunga bao la kwanza, ungekuwa mchezo tofauti.
Kwa bahati mbaya waliruhusu bao katika dakika ya mwisho ya kipindi cha kwanza. Daima ni vigumu kurejea kutoka kwa hilo, waliitikia vyema na wanaweza kujivunia kwasababu walijaribu kila kitu.
