Liverpool itatafuta kutumia mwisho wa msimu huu huku Jurgen Klopp akipanga kuwajenga upya wachezaji kabla ligi kuu ya Uingereza haijamalizka.
Baada ya kushika nafasi ya pili kwa pointi 92 kwenye ligi na kutinga fainali za vikombe vitatu msimu uliopita, na kushinda mawili, Merseysiders wameporomoka katika kampeni hii, kwa sasa wako katika nafasi ya sita na nje ya mashindano mengine yote.
Liverpool wamehusishwa na kutaka kumnunua Jude Bellingham wa Borussia Dortmund na Mason Mount wa Chelsea miongoni mwa wengine, huku Waingereza hao wakitarajiwa kugharimu hadi pauni milioni 200 kati yao.
Akizungumza kabla ya safari ya timu yake kwenda Manchester City, Klopp hakuwa tayari kutaja mambo maalum, lakini alielezea nia ya klabu kuwa hai wakati soko la uhamisho litakapofunguliwa tena mwishoni mwa msimu.
Klopp amesema kuwa; “Tutatumia wakati wa kiangazi, ndivyo ninavyoweza kusema. Kwa nani na wangapi na vitu kama hivi, hakuna cha kusema juu ya hilo kwa kweli.”
Klopp yuko katika harakati za kujaribu kuunda timu yake ijayo Anfield, baada ya kuwaleta Ibrahima Konate, Luis Diaz, Darwin Nunez na Cody Gakpo katika miaka miwili iliyopita, lakini pamoja na nyota wakongwe haswa katika safu ya kati inatambua hitaji la kazi zaidi.
Klopp ameongeza kuwa ni wazi kuwa baada ya muda maalumu unahitaji kuchanganya mambo na kuanza upya na ni nadra sana siku hizi kutokea ukiwa na kocha mmoja kwasababu watu wanatambua unapomfukuza kocha na kuleta mpya, mambo hubadilika na unarekenisha kikosi.
“Baada ya miaka saba ilikuwa wazi kwamba tunapaswa kufanya hivyo. Kuna wakati unapaswa kufanya mabadiliko. Hatupo tunapotaka kuwa, tunapopaswa kuwa na pale tunapopaswa kuwa.“ Alimaliza hivyo.
