Leicester City wameachana na kocha wao Brendan Rodgers wakitaka kudumisha hali yao ya Ligi Kuu ya Uingereza.
The Foxes walishuka hadi nambari tatu za mkiani baada ya kushindwa hapo jana kwa dakika za lala salama dhidi ya Crystal Palace, ambayo iliendeleza mbio zao za kutoshinda hadi mechi sita.
Rodgers, ambaye hivi majuzi alisherehekea miaka minne ya kuinoa King Power, alimaliza mechi mbili za tano bora kwenye Ligi kuu ya Uingereza na ushindi wa kwanza wa Kombe la FA mnamo 2021, lakini anaondoka kwa makubaliano.
Mwenyekiti Aiyawatt Srivaddhanaprabha alisema katika taarifa: “Utendaji na matokeo katika msimu wa sasa yamekuwa chini ya matarajio yetu ya pamoja. Ilikuwa ni imani yetu kwamba mwendelezo na uthabiti ungekuwa muhimu kwa kurekebisha mwendo wetu, haswa kutokana na mafanikio yetu ya hapo awali chini ya usimamizi wa Brendan.”
Kwa bahati mbaya, uboreshaji unaotarajiwa haujapatikana na, ikiwa imesalia mechi 10 za msimu huu, bodi inalazimika kuchukua hatua mbadala kulinda hadhi yetu ya Ligi Kuu.
Jukumu lililo mbele yetu katika michezo yetu 10 ya mwisho liko wazi. Sasa tunahitaji kujumuika pamoja mashabiki, wachezaji na wafanyakazi na kuonyesha utulivu, ubora na kupambana ili kupata nafasi yetu kama klabu ya Ligi Kuu. Taarifa hiyo ilisema.
Msaidizi wa Rodgers Chris Davies na kocha wa kikosi cha kwanza cha mazoezi ya viungo Glen Driscoll pia wameondoka.
Makocha wa kikosi cha kwanza Adam Sadler na Mike Stowell wamepewa jukumu la kuwa mlezi mara moja, na kukabidhiwa jukumu la kuandaa kikosi kwa ajili ya pambano la Jumanne dhidi ya Aston Villa.
